नाबालिग लड़का के न्यूड वीडियो बनाइस अउ वाट्सएप ग्रुप मं फइला दीस





कोरबा, 11 अपरेल 2017। जिला मं इंसानियत ल शर्मसार करइया ए मामला मं कुछ बदमाश मन एक नाबालिग संग मारपीट करिन। ओखर कपड़ा उतरवाइन अउ नग्न अवस्था मं ओखर वीडियो बनाके सोशल मीडिया म वायरल कर दीन। पुलिस हर नाबालिग लड़का के अश्लील वीडियो बनाके वायरल करइया तीन लड़का मन के खिलाफ मामला दर्ज कर ले हावे।
ये मामला रामपुर चौकी के पथर्रीपारा के हे। इहां नौवीं कक्षा मं पढ़इया एक नाबालिग लड़का के संग आशु, जावेद अउ बबलू नाम के बदमाश मन पहिली मारपीट करिन फेर, ओला कपड़ा उतारे बर कहिन। नाबालिग हर जब एकर विरोध करिस, त तीनों युवकों हर जबरदस्ती ओखर कपड़ा उतार दीन। वोला नंगा कर दीन अऊ तीनों युवक मन ओखर अश्लील वीडियो बनाना शुरू कर दीन। नाबालिग ह जब अइसे करे बर मना करिस तभो ले ओ मन नइ मानिन। एखर बाद युवक मन ओ अश्लील वीडियो ल सोशल मीडिया म वायरल कर दीन। वोमन नाबालिग ल धमकी दीन कि ए घटना के कोनो से चर्चा करबे त तोला जान से मार देंबोन।
सोशल मीडिया म वीडियो वायरल होए के बाद परिजन मन ल ए संबंध मं जानकारी मिलीस। जेखर बाद उमन एखर शिकायत रामपुर पुलिस चौकी मं करिन। पुलिस हर अश्लील वीडियो बनाइया तीन युवक मन के खिलाफ मामला दर्ज कर जांच शुरू कर दे हावे। पुलिस सूत्रों के मुताबिक ए मामला मं वीडियो जेन वाट्सएप ग्रुप मं वायरल होय रहिस, ओखर सदस्‍य मन के संग ग्रुप एडमिन के खिलाफ पुलिस जांच करही।


style="display:block"
data-ad-client="ca-pub-3208634751415787"
data-ad-slot="4115359353"
data-ad-format="link">



style="display:block"
data-ad-format="autorelaxed"
data-ad-client="ca-pub-3208634751415787"
data-ad-slot="1301493753">

Post a Comment

0 Comments