मुख्यमंत्री पहुंचिन अस्पताल : नक्सल मुठभेड़ मं घायल जवान मन के स्वास्थ्य के जानकारी लीन

रायपुर, 25 अपरेल 2017। मुख्यमंत्री डॉ. रमन सिंह काली संझा नई दिल्ली ले रायपुर लौटतेच सीधा इहां एक प्राईवेट अस्पताल पहुंचिन, जिहां सुकमा जिला के दोरनापाल इलाका मं काली मंझनिया नक्सल मुठभेड़ मं घायल सीआरपीएफ के बहादुर जवान मन ल बेहतर इलाज बर भर्ती कराए गए हे। मुख्यमंत्री ह एक घायल जवान ले मुलाकात करिन। उहां दू घायल जवान मन के इलाज ऑपरेशन थिएटर मं चलत हे। डॉ. सिंह हर अस्पताल के डॉक्टर मन ले घायल जवान मन ल देहे जात चिकित्सा सुविधा मन के बारे मं घलोक पूछिन। डॉ. सिंह हर ऊंखर जल्दी स्वास्थ्य लाभ के कामना करिन।

Post a Comment

0 Comments