प्रदेश म शराब उपर आवत भरमउ रपट के मुख्यमंत्री दीस जवाब

रैपुर, 08 अपरैल 2017। अम्बिकापुर दौरा ले आए के बाद मुख्‍यमंत्री रमन सिंह ह प्रदेश म शराब ल लेके होवत विरोध अउ रंग-रंग के गोठ-बात उपर मुख्यमंत्री ह कहिस कि जनता म फोकट के भरम झन फैलावव। मुख्यमंत्री ह कहिस कि बहुत अकन गांव म एको ठन शराब दुकान नइ हे, अउ जहां कहूं थोक-बहुत बेचे जात हावय ओ मन ल घलोक टाइट करे जात हावय। उमन कहिन कि अवैध शराब बिक्री म रोक लगाए गए हे। अवैध शराब बेंचइया मन ल जेल भेजे जात हावय अउ जिलाबदर करे जात हवय। शराब ल लेके लगातार मीडिया म आवत भरमाही खबर मन उपर अप न नाराजगी देखाते मुख्यमंत्री हर कहिस कि लोगन मन इहां बइठ के अउ पेपर पढ़के बात करथें। प्रदेश के 94 प्रतिशत गांव मन म तो मैं घूमत हंव। सबो जघा बढ़िया शांति हावय, खुशी हावय! महिला मन डंडा बजावत हें कोनो आही वोला रोकेहीं। ओ मन ल पूरा अधिकार दे गए हावय, पुलिस के नंबर दे गए हावय। प्रदेश म शराब ल लेके कोनो दिकत नइ हे, ये तो मीडिया वाले मन विरोधी महौल बना देथे।

Post a Comment

0 Comments