हमर छत्तीसगढ़ योजना : मिनी स्टेडियम ले अब अउ निखरही खेल

पुरई म 31 लाख के लागत ले बनिस मिनी स्टेडियम
खेल मन के बदौलत गांव के करीब 40 युवा हावंय सरकारी नौकरी म







रायपुर, 29 अपरेल 2017। दुर्ग जिला मुख्यालय ले 12 किलोमीटर दूरिहा पुरई खेल गांव के रूप म मशहूर हावय। इहां ले निकले खिलाड़ी मन हर अपन प्रदर्शन ले जिला के बाद प्रदेश अउ देश म घलोक गांव के नाम रोशन करत हावंय। गांव के एक खिलाडी तो अंतर्राष्ट्रीय खो-खो मैच म भारत के प्रतिनिधित्व घलोक कर चुके हावय। खेल मन के बदौलत इहां के करीब 40 युवा पुलिस, लेना अउ व्यायाम शिक्षक के नौकरी म हावंय। खिलाड़ी मन ल बेहतर सुविधा मुहैया कराए अउ उंखर हुनर निखारे म इहां ग्राम पूर्ण विकास योजना के तहत 31 लाख रूपए के लागत ले मिनी स्टेडियम बनाए गए हे।
हमर छत्तीसगढ़ योजना म अपन पंच मन के संग रायपुर अउ नवा रायपुर के अध्ययन भ्रमण म आए पुरई के सरपंच श्री सुखित यादव बताइस कि गांव के लइका मन के खेल बर गहिर रूझान ल देखत इहां मिनी स्टेडियम के जरूरत बहुत दिन ले करे जात रहिस। एखर बने ले गांव के लइका अउ जवान मन के मांग पूरा हो गीस। करीब चार एकड़ क्षेत्र म फइले ए स्टेडियम म अब बहुत अकन खेल आयोजन के संगें-संग गांव के खिलाड़ी बिना कोनो व्यवधान के अभ्यास कर सकहीं। सरपंच श्री सुखित यादव कहते हावय कि गांव के हर घर म कम से कम एक खिलाड़ी हावय। गांव म खुला मैदान तो रहिस, फेर अभ्यास के समय उहां अवइया-जवइया के कारन ले असुविधा होवत रहिस अउ खेल म व्यवधान घलोक होवय। मिनी स्टेडियम बन जाय ले खिलाड़ी मन अब अपन पूरा ध्यान खेल म लगा सकही।
पुरई के सरपंच श्री यादव बताथें कि खेल के कारण गांव म मनखे स्वास्थ्य अउ स्वच्छता के खातिर जागरूक हावय। एखर ले इहां स्वच्छ भारत मिशन के कार्य ल घलोक अच्छा गति मिलीस हे। खेल के संग इहां के अभिभावक शिक्षा अउ बच्चा मन के कौशल विकास ल लेके घलोक जागरूक हावंय। अपन पंचायत कोति ले करे जात कार्य मन के बारे म श्री यादव बताइन कि घरेलू नल कनेक्शन के संग गांव के 250 घर मन म स्वच्छ अउ सुरक्षित पेयजल पहुंचत हावय। रोड बन जाय ले गांव के गली मन म अब धूर्रा अउ चिखला नइ होवय। दस लाख रूपया के लागत ले हाईस्कूल म बाउंड्रीवॉल के निर्माण घलोक कराए गए हे।
हमर छत्तीसगढ़ योजना के बारे म श्री यादव बताइन कि जनप्रतिनिधि मन ल छत्तीसगढ़ के विकास ले परिचित कराए बर ये बहुत अच्छा योजना हे। इहां आके हमन प्रदेश के विकास ल देखेन, अउ महसूस घलोक करेन। हमार अधिकांश पंच मन हर पहली पइत मंत्रालय अउ विधानसभा देखिन। संसदीय प्रणाली अउ शासन के कार्य ल जानिन-समझिन। योजना के तहत दुर्ग जिला के 11 ग्राम पंचायत के 175 पंच-सरपंच दू दिन के अध्ययन भ्रमण म राजधानी रायपुर आए रहिन। एमां पुरई संग उमरपोटी, डूमरडीह, पाऊवारा, बोरीगारका, कोकड़ी, कोड़िया, हनोदा, रिसामा, चिरपोटी अउ मतवारी के पंचायत प्रतिनिधि सामिल रहिन।




style="display:block"
data-ad-client="ca-pub-3208634751415787"
data-ad-slot="4115359353"
data-ad-format="link">



style="display:block"
data-ad-format="autorelaxed"
data-ad-client="ca-pub-3208634751415787"
data-ad-slot="1301493753">

Post a Comment

0 Comments