अब राशन लेवइ होइस अऊ आसान अऊ सुरक्षित

राशन दुकान मन मं बायोमेट्रिक मशीन: मुख्यमंत्री हर बुजुर्ग महिला ल दीस नवा तकनीक के जानकारी






रायपुर, 12 अप्रैल 2017। जीवन के 70 बसंत देख डरे सहज-सरल स्वभाव के ग्रामीण महिला भूरी बाई बर आज के दिन ओखर जिंदगी मं एक यादगार दिन के रूप मं दर्ज हो गीस, जब प्रदेश के मुखिया डॉ. रमन सिंह हर सरकारी उचित मूल्य के दुकान मं आके खुदे वोला ये बताइन कि बायोमेट्रिक मशीन मं अंगूठा लगाके राशन सामान कइसन सुरक्षित तरीका ले प्राप्त करे जा सकत हे। ये दिलचस्प प्रसंग बालोद जिला के ग्राम गब्दी (विकासखण्ड-गुण्डरदेही) के हे, जिहां मुख्यमंत्री लोक सुराज अभियान के तहत समाधान शिविर मं सामिल होए आए रहिन। आप मन जानतेच होहू कि बालोद जिला मं सार्वजनिक वितरण प्रणाली अब आधारकार्ड म आधारित होही। मुख्यमंत्री हर आज एखर शुभारंभ करिन। ए नवा टेक्नॉलाजी मं राशनकार्ड धारक बायोमेट्रिक मशीन मं सिरिफ अंगूठा लगाके अपन राशन ले सकत हे। मुख्यमंत्री हर आज गब्दी के राशन दुकान के निरीक्षण करिन अऊ उहां रखे राशन सामान के गुणवत्ता ल घलोक जांचिन।






Post a Comment

0 Comments