गर्मी के बाढ़े ले छत्तीसगढ़ म बाढि़स पानी के संकट



style="display:block"
data-ad-client="ca-pub-3208634751415787"
data-ad-slot="6745940556"
data-ad-format="auto">


रैपुर, 08 अपरेल 2017। गरमी के बाढ़े संगेच पानी के समस्या मुंह उठाए लगे हावय। छत्तीसगढ़ के अधिकतर बांध म फिलहाल तय क्षमता ले आधा पानी हावय। अइसन म प्रदेश म ग्रीष्मकालीन फसल अउ निस्तारी बर पानी के चिंता अभी ले सताए लगे हावय। प्रदेश के बड़े बांध मन म 50 परसेंट ले घलोक कम पानी बचे हावय। ए स्थिति के कारण संकट के स्थिति पैदा हो गए हावय। एखर ले बांचे बर जतना पानी हवय ओला बने सहिन बउरे ले पानी के समस्‍या ले उबरे जा सकही। किसान मन के प्राथमिकता के आधार म पानी छोड़े जाही। जल संसाधन विभाग के आला अधिकारी मन बताइन कि पानी के सही प्रबंध करे बिना कहूं सिरिफ 10 प्रतिशत पानी घलव निस्तारी बर छोड़े गीस त जून आखरी तक पूरा बांध सूख सकत हावय। एखर अलावा राष्ट्रीय अभ्‍यारण्य मन बर घलोक पानी के उपलब्धता कम हावय। एला देखते हुए बांध मल ले अभी पानी नइ छोड़े जात हे।


style="display:block"
data-ad-client="ca-pub-3208634751415787"
data-ad-slot="6745940556"
data-ad-format="auto">

Post a Comment

0 Comments