मुख्यमंत्री 17 मई के दिन जांजगीर-चाम्पा जिला के दौरा म

रायपुर 16 मई 2017। मुख्यमंत्री डॉ. रमन सिंह लोक सुराज अभियान के तहत काल 17 मई के दिन जांजगीर-चाम्पा जिला के दौरा म रहिहीं। डॉ. सिंह निरधारित कार्यक्रम के अनुसार बिहनिया 9.00 बजे हेलीकॉप्टर ले रवाना होहीं। मुख्यमंत्री कोनों दू गांव मन के आकस्मिक दौरा करहीं अउ उहां जनकल्याणकारी योजना मन के मैदानी स्थिति के जानकारी लिहीं। डॉ. सिंह दोपहर 1.30 बजे जांजगीर-चाम्पा जिला के मुख्यालय जांजगीर आहीं अउ उहां संझा चार बजे कलेक्टोरेट सभाकक्ष म जिला म होवत विकास कार्य अउ लोक सुराज अभियान के तहत आए आवेदन मन उपर करे जात कार्रवाई के समीक्षा करहीं। मुख्यमंत्री संझा 6.40 बजे जनप्रतिनिधि, कई ठन संगठन के प्रतिनिधि मंडल अउ नागरिक मन से मुलाकात करहीं। डॉ. सिंह रात्रि थिरावन जांजगीर म करहीं। मुख्यमंत्री आघू दिन 18 मई को जांजगीर ले बिहनिया 9.30 बजे हेलीकॉप्टर ले रवाना होके कोनो एक गांव के आकस्मिक दौरा करहीं। डॉ. सिंह मंझनिया 12.50 बजे रायपुर लहुट आहीं।

Post a Comment

0 Comments