पंचायत मंत्री श्री चन्द्राकर 18 मई को ट्रायसायकिल वितरण कार्यक्रम म सामिल होहीं

रायपुर, 16 मई 2017। पंचायत अउ ग्रामीण विकास मंत्री श्री अजय चन्द्राकर 18 मई के मंझनिया दू बजे जुन्ना कृषि उपज मण्डी परिसर कुरूद म दिव्यांग मन बर आयोजित ट्रायसायकिल वितरण कार्यक्रम म सामिल होहीं। समाज कल्याण विभाग कोति ले आयोजित ए कार्यक्रम म दिव्यांग मन ल बैट्रीयुक्त ट्रायसायकिल अउ सहायक उपकरण प्रदान करे जाही। धमतरी जिला पंचायत अध्यक्ष श्री रघुनंदन साहू कार्यक्रम के अध्यक्षता करहीं। पूर्व नगर पंचायत अध्यक्ष कुरूद श्री निरंजन सिन्हा, नगर पंचायत अध्यक्ष कुरूद श्री रविकांत चन्द्राकर, जनपद पंचायत अध्यक्ष कुरूद श्रीमती पूर्णिमा साहू, सदस्य समाज कल्याण बोर्ड श्रीमती ज्योतिभानू चन्द्राकर अउ उपाध्यक्ष जनपद पंचायत कुरूद श्री छत्रपाल बैस विशिष्ठ अतिथि होहीं।

Post a Comment

0 Comments