पर्यटक मन ल जानकारी देहे पर्यटक गाईड प्रशिक्षण






रायपुर, 24 मई 2017। छत्तीसगढ़ पर्यटन मंडल कोति ले राज्य मं आवइया पर्यटक मन ल इहां के पर्यटन विशेषता मन के जानकारी इेहे बर 100 युवा मन ल पर्यटक गाईड के प्रशिक्षण देहे जात हे। दूसर चरण के प्रशिक्षण कार्यक्रम 20 मई ले सिरपुर मं चलत हे, जऊन 4 जून तक चलही। पर्यटक गाईड प्रशिक्षण मं रायपुर, दुर्ग, धमतरी, राजनांदगांव, सरगुजा, मुंगेली, गरियाबंद, बेमेतरा, जांजगीर-चांपा, बस्तर, बिलासपुर, कोण्डागांव, रायगढ़ अउर कबीरधाम के एक सौ युवक-युवति मन संघरे हें।
छत्तीसगढ़ पर्यटन मंडल के अधिकारी मन हर बताइन कि पहिली चरण के प्रशिक्षण मार्च 2017 मं इंडियन इंस्टीट्यूट ऑफ टूरिज्म एण्ड ट्रेवल मैनेजमेंट ग्वालियर मध्यप्रदेश मं देहे गए रहिस। दूसर चरण के प्रशिक्षण महासमुंद जिला के सिरपुर मं 20 मई ले 4 जून तक दे जाही। अधिकारी मन हर बताइन कि ए प्रशिक्षण कार्यक्रम के उद्देश्य पर्यटक मन ल स्थानीय स्तर म उहां के संस्कृति ,इतिहास अउ पर्यटन क्षेत्र मन के जानकारी अऊ बेरोजगार युवा मन ल रोजगार देना हे।




style="display:block"
data-ad-client="ca-pub-3208634751415787"
data-ad-slot="4115359353"
data-ad-format="link">



style="display:block"
data-ad-format="autorelaxed"
data-ad-client="ca-pub-3208634751415787"
data-ad-slot="1301493753">

Post a Comment

0 Comments