राजधानी रायपुर मं जैव विविधता दिवस उपर संगोष्ठी

वन मंत्री श्री महेश गागड़ा करहीं शुभारंभ





रायपुर, 21 मई 2017। अन्तर्राष्ट्रीय जैव विविधता दिवस के अवसर म काल 22 मई के दिन राजधानी रायपुर के नवीन विश्राम भवन के सभाकक्ष मं बिहनिया 10.30 बजे संगोष्ठी के आयोजन करे जाही। मुख्य अतिथि के आसंदी ले वन मंत्री श्री महेश गागड़ा संगोष्ठी के शुभारंभ करहीं। छत्तीसगढ़ राज्य जैव विविधता बोर्ड कोति ले ये संगोष्ठी ‘जैव विविधता अऊ पर्यटन’ विसय म आयोजित करे जात हे। संगोष्ठी के शुभारंभ सत्र के अध्यक्षता राज्य जैव विविधता बोर्ड के अध्यक्ष श्री राम प्रताप सिंह ह करहीं। छत्तीसगढ़ राज्य लघु वनोपज सहकारी संघ के अध्यक्ष श्री भरत साय, राज्य वन विकास निगम के अध्यक्ष श्री श्रीनिवास मद्दी, संसदीय सचिव श्रीमती चम्पा देवी पावले अऊ राज्य वनौषधि बोर्ड के उपाध्यक्ष श्री जे.पी. शर्मा विशेष अतिथि के रूप मं संगोष्ठी मं संघरहीं। कार्यक्रम मं वन विभाग के प्रमुख सचिव श्री आर.पी. मंडल, प्रधान मुख्य वन संरक्षक (वन्य प्राणी) श्री आर.के. सिंह अऊ प्रधान मुख्य वन संरक्षक श्री आर.के. टम्टा संग वन विभाग के बहुत अकन वरिष्ठ अधिकारी उपस्थित रहिहीं। ए अवसर म छत्तीसगढ़ राज्य जैव विविधता बोर्ड के दिशा-निर्देश मन के पुस्तिका के विमोचन घलोक होही। कर्नाटक सरकार के सेवानिवृत्त वन बल प्रमुख अऊ कर्नाटक राज्य पर्यटन विकास निगम के सेवानिवृत्त प्रबंध निदेशक डॉ. विनय लुथरा ए अवसर म ‘छत्तीसगढ़ मं टिकाऊ पर्यटन के सम्भावना' उपर अऊ मध्यप्रदेश सरकार के सेवानिवृत्त प्रधान मुख्य वन संरक्षक डॉ. सुहास कुमार, ‘वैधानिक फ्रेम वर्क अऊ बाजार के परिप्रेक्ष्य मं इको-टूरिज्म' विसय म अपन प्रस्तुतिकरण देहीं।




style="display:block"
data-ad-client="ca-pub-3208634751415787"
data-ad-slot="4115359353"
data-ad-format="link">

Post a Comment

0 Comments