अधिकारी-कर्मचारी मन ल छत्‍तीसगढ़ी के प्रशिक्षण

छत्तीसगढ़ राज भाषा आयोग रायपुर (छ.ग.) के तत्वाधान म बालोद जिला कार्यालय सभा-कक्ष म दिनांक 24 मई के दिन "लोक व्यवहार मं छत्तीसगढ़ी" विसय म अधिकारी अउर कर्मचारी मन बर प्रशिक्षण के आयोजन करे गीस। जेखर मुख्य-अतिथि डा. विनय कुमार पाठक जी (अध्यक्ष - छ.ग.राज भाखा आयोग रायपुर) , अध्यक्षता श्री ए.आर.धृतलहरे (अपर कलेक्टर बालोद), विशेष-अतिथि श्री सुरजीत नवदीप (सदस्य - छ.ग.राज भाखा आयोग रायपुर), श्री जी.एस.नाग ( अपर कलेक्टर बालोद), प्रशिक्षक श्री मुकुन्द कौशल जी (वरिष्ट साहित्यकार दुर्ग) अउ श्री राघवेन्द्र दुबे बिलासपुर रहिन। श्री चन्दशेखर शर्मा धमतरी के गरिमामयी संचालन म बालोद जिला के अधिकारी, कर्मचारी अउ साहित्यकार मन ह प्रशिक्षण के लाभ उठाइन। जेमां श्री तिलक लांगे धमतरी, श्री मोहन प्रसाद चतुर्वेदी गुरूर, पुष्कर सिंह 'राज' झलमला, श्री आर.के.शर्मा बालोद अउ श्री एस.आर.कृदत्त बालोद विशेष रूप ले उपस्थित रहिन। ए कार्यक्रम म श्री पाठक संग सबे वक्ता मन ह छत्तीसगढ़ी भाखा ल सादा बोलचाल अउ शासकीय कार्य म जादा ले जादा प्रयोग करे जाय म बल दीन।

Post a Comment

0 Comments