लोक सुराज अभियान म सरकार आप मन के दुवार : दयालदास बघेल

देवरबीजा शिविर म दू हजार ले जादा समस्या मन के होइस समाधान


रायपुर, 16 मई 2017। सहकारिता, पर्यटन अउ संस्कृति मंत्री श्री दयालदास बघेल ह कहिन हे कि प्रदेश व्यापी लोक सुराज अभियान म सरकार आप मन के दुवार म पहुंचत हे। श्री बघेल बेमेतरा जिला के बेरला विकासखंड के ग्राम देवरबीजा म काल आयोजित समाधान शिविर म उपस्थित जनसमुदाय ल सम्बोधित करत रहिन। सहकारिता मंत्री हर कहिन कि लोक सुराज अभियान के समय प्रदेश के मुखिया मुख्यमंत्री डॉ. रमन सिंह संग मंत्रीगण, जनप्रतिनिधि अउ शासन-प्रशासन के वरिष्ठ अधिकारी लोगन के बीच पहुंचके उंखर समस्या मन के समाधान करत हे। ग्राम देवरबीजा समाधान शिविर म 2 हजार 360 मांग अउ समस्या संबंधी प्रकरण मन के निराकरण करे गीस।
समाधान शिविर म संस्कृति मंत्री श्री बघेल हर लोगन के समस्या मन के समाधान के संबंध म विभागवार समीक्षा करिन। ए दौरान क्षेत्रीय विधायक श्री अवधेश सिंह चंदेल घलोक ऊंखर संग रहिन। शिविर म कलस्टर के अंतर्गत ग्राम पंचायत बहिंगा, भेंडनी, डंगनिया (ब), देवरबीजा, घोरमर्रा, केशडबरी, सल्धा, संडी, सिंघौरी अउ ग्राम बैहरघट के मनखे मौजूद रहीन। शिविर म पंचायत अउ ग्रामीण विकास विभाग के एक हजार 399 अउ आन विभाग मन के 961 के मांग अउ समस्या मन के समाधान करे गीस। प्रधानमंत्री उज्ज्वला योजना के तहत 25 महिला हितग्राही मन ल लाभांवित करे गीस। ग्यारा किसान मन ल कृषि यंत्र अउ स्वाईप कार्ड, 13 मत्स्य किसान मन ल जाल अउ आईस बॉक्स दे गीस। प्रधानमंत्री आवास योजना के 111 पात्र हितग्राही मन ल लाभान्वित करे गीस अउ 121 छात्र मन ल स्थायी जाति प्रमाण पत्र प्रदान करे गीस। 14 सामाजिक सुरक्षा पेंशन के हितग्राही लाभान्वित होइन। समाधान शिविर म जिला पंचायत बेमेतरा के उपाध्यक्ष श्री दिलीप ठाकुर, जनपद पंचायत अध्यक्ष श्रीमती आनंद बाई टंडन संग पंचायत प्रतिनिधि कई विभाग मन के जिलाधिकारी अउ बड़ झन गांव वाले मन उपस्थित रहिन।

Post a Comment

0 Comments