प्रधानमंत्री के नेतृत्व मं देश तेजी ले आर्थिक आजादी के राह: श्री विजय गोयल






  • मोदी सरकार के तीसर वर्षगांठ म रायपुर मं समारोह आयोजित

  • केन्द्रीय खेल राज्य मंत्री हर ककहस: रमन सरकार के लोक सुराज अभियान देश के हर राज्य बर अनुकरणीय

  • मुख्यमंत्री हर कहिन-श्री नरेन्द्र मोदी देश ल नवा दिशा देवइया प्रधानमंत्री


रायपुर, 27 मई 2017। केन्द्रीय खेल अऊ युवा कल्याण राज्य मंत्री श्री विजय गोयल हर कहिस हे कि प्रधानमंत्री श्री नरेन्द्र मोदी हर अपन कुशल नेतृत्व ले देश ल तीन साल के भीतर विकास के बहुत अकन नवा ऊंचाईयों तक पहुंचाए हे। राष्ट्रपिता महात्मा गांधी हर छुआ-छूत अऊ वर्ग भेद ल मेटाय के आजादी के आंदोलन मं जऊन प्रकार देशवासि मन ल संगठित करिस, ठीक वोइसनहे श्री मोदी ‘सबका साथ-सबका विकास’ के भावना के संग देश के सब्बो मनखे ल एक सूत्र मं बांधके आर्थिक आजादी बर भारत ल विकास के राह म तेजी ले आगू ले जावत हे।
श्री गोयल आज दोपहर छत्तीसगढ़ के राजधानी रायपुर मं राज्य सरकार अऊ जिला प्रशासन कोति ले आयोजित समारोह ल सम्बोधित करत रहिन। उमन कहिन- महात्मा गांधी हर हर गांव, हर शहर अऊ मोहल्ला मं सार्वजनिक स्वच्छता म विशेष रूप ले बल देहे रहिस। ऊंखर आदर्श के जइसन श्री नरेन्द्र मोदी हर स्वच्छ भारत मिशन के संग देशवासि मन मं स्वच्छता के प्रति जादा ले जादा जागृति लाय के प्रयास करिन हे।
मुख्यमंत्री डॉ. रमन सिंह के अध्यक्षता मं ये समारोह प्रधानमंत्री श्री नरेन्द्र मोदी के नेतृत्व मं केन्द्र सरकार के पहिली तीन साल पूरा होए अऊ चौथे साल मं प्रवेश म आयोजित करे गए रहिस। समारोह मं प्रधानमंत्री के प्रमुख योजना मन के तहत कई हितग्राहि मन ल सामान अऊ ऋण अउ अनुदान राशि के चेक देहे गीस। श्री गोयल हर ए अवसर म जहां मोदी सरकार के कई जनकल्याणकारी केन्द्रीय योजना मन म प्रकाश डालिन, उहें उमन मुख्यमंत्री डॉ. रमन सिंह के नेतृत्व मं छत्तीसगढ़ मं हर साल गर्मि मं आयोजित होवइया प्रदेश व्यापी लोक सुराज अभियान के घलोक विशेष रूप ले उल्लेख करिस । श्री गोयल हर कहिस- छत्तीसगढ़ के रमन सरकार के लोक सुराज अभियान देश के हर राज्य बर अनुकरणीय हे। देश के हर राज्य ल एला अपनाना चाही।







Post a Comment

0 Comments