समाज सेवी संस्था के ये काम अनुकरणीय: डॉ. रमन सिंह

रायपुर, 13 मई 2017। मुख्यमंत्री डॉ. रमन सिंह हर आज इहां अखिल भारतीय आयुर्विज्ञान संस्थान (एम्स) के तीर मरीज तन के परिजन मन के रूके बर मंगल भवन के भूमिपूजन करिस। ये मंगल भवन समाज सेवी संस्था सीता राम शकुंतला देवी चेरिटेबल ट्रस्ट ह बनवाही। मुख्यमंत्री हर भूमिपूजन समारोह ल सम्बोधित करत संस्था के ए रचनात्मक काम के प्रशंसा करिन। उमन कहिन - मानव सेवा बर करे जात ये काम पूरा समाज बर अनुकरणीय अऊ प्रेरणादायी हे। उमन कहिन कि मंगल भवन के निर्माण ले मरीज मन संग ऊंखर परिजन मन ल बड़का राहत मिलही। एम्स मं जऊन मरीज इलाज कराए आहीं ऊंखर परिजन मन के रूके अऊ भोजन के व्यवस्था के संगेच दवाई अउ आन सुविधा घलोक देहे जाही।
कार्यक्रम ल सांसद श्री रमेश बैस हर घलोक सम्बोधित करिस। ए अवसर म विधानसभा अध्यक्ष श्री गौरीशंकर अग्रवाल, कृषि मंत्री श्री बृजमोहन अग्रवाल, लोक निर्माण मंत्री श्री राजेश मूणत, महिला अउ बाल विकास मंत्री श्रीमती रमशीला साहू, खेल अउ युवा कल्याण मंत्री श्री भईया लाल राजवाड़े, महापौर श्री प्रमोद दुबे, सीएसआईडीसी के अध्यक्ष श्री छगन मूंदड़ा संग आन गणमान्य नागरिक उपस्थित रहिन।

Post a Comment

0 Comments