तन-मन ल स्वस्थ्य बनाए रखे बर खेल जरूरी: श्री अग्रवाल





बेसबाल प्रीमियर लीग के उद्घाटन



रायपुर, 28 मई 2017। नगरीय प्रशासन अऊ उद्योग मंत्री श्री अमर अग्रवाल हर आज बिलासपुर मं बेसबाल प्रीमियर लिग के उदघाटन करिस। ए प्रतियोगिता के आयोजन बिलासपुर बेसबास क्लब कोति ले 27 मई ले 01 जून 2017 तक करे जात हे। नगरीय प्रशासन मंत्री श्री अमर अग्रवाल हर ए अवसर म कहिन कि खेल प्रतियोगिता मन के बिलासपुर मं सरलग आयोजन होना चाही। प्रतियोगिता मन के आयोजन ले लइेका मन मं खेल मन बर उत्साह बने रहिथे। उमन कहिन कि तन-मन ल स्वस्थ्य बनाए रखे बर खेल जरूरी हे। स्कूल मन मं पढ़ई के संग खेल के होना जरूरी हे। ए प्रतियोगिता मं 6 टीम भाग लेवत हे। बेसबाल लीग के उद्देश्य बेसबाल ल बढ़ावा देना हे। प्रतियोगिता मं पहिली पुरूस्कार 31 हजार, दूसर 21 हजार, तीसर पुरूस्कार 15 हजार अउ चौथा 10 हजार रूपया के रखे गए हे। प्लेयर ऑफ द टूर्नामेन्ट ल 5100 रूपया अउ बेस्ट केचर, पिचर, हीटर ल 3100 रूपया देहे जाही। सब्बो टीम मन मं 14 खिलाड़ी अउ एक कोच अउ एक मैनेजर हे। ए टूर्नामेन्ट म सब्बो खिलाड़ी जूनियर लेबल के हे। ए अवसर म बेसबाल क्लब बिलासपुर के पदाधिकारी अऊ बड़ संख्या मं खेल प्रेमी उपस्थित रहिन।








Post a Comment

0 Comments