मुख्यमत्री हर करिन राजस्व विभाग अउ विज्ञान-प्रौद्योगिकी विभाग के समीक्षा






रायपुर, 09 मई 2017। मुख्यमत्री डॉ. रमन सिंह हर आज रात इहां अपन निवास कार्यालय म आयोजित बैठक म राजस्व विभाग के काम-काज के समीक्षा करिन। उमन अधिकारी मन ल ये सुनिश्चित करे के निर्देश दीन कि गांव वाले मन के सुविधा बर पटवारी अपन मुख्यालय के ग्राम पंचायत भवन म हर सोमवार अऊ मगलवार के दिन अनिवार्य रूप ले मौजूद रहव, ताकि राजस्व प्रकरण मन से संबंधित काम बर क्षेत्र के किसान अऊ गांव वाले मन उंखर ले सम्पर्क कर सकंय। मुख्यमत्री हर कहिन- ये दू दिन म पटवारी कोनो अधिकारी के बुलाए म घलव ओखर तीर नइ जाय। विशिष्ट मनखे के भ्रमण म आए म घलोक पटवारी ए दू दिन तक अपन मुख्यालय नइ छोड़ंय।
मुख्यमत्री हर बैठक म पर्यावरण अधोसंरचना विकास उपकर निधि ले अंदाजन 150 करोड़ रुपया के लागत के कई ठन कार्य मन के स्वीकृति प्रदान करिन। उमन प्रधानमत्री उज्जवला योजना बर 50 करोड़ रुपया, केन्द्रीय प्लास्टिक इंजीनियरिंग संस्थान (सिपेट) रायपुर म 500 सीटर छात्रावास भवन निर्माण बर 10 करोड़ रुपया अऊ प्रदेश के बीस लाइवलीहुड कॉलेज मन म बालक छात्रावास भवन मन के निर्माण बर 54 करोड़ रुपया के स्वीकृति प्रदान कर दीन। हर एक बालक छात्रावास के निर्माण ढाई करोड़ रुपया के लागत से करे जाही। डॉ. रमन सिंह हर 54 तहसील कार्यालय मन म रिकार्ड रुम निर्माण बर दस लाख रुपया के मान से पांच करोड़ 40 लाख रुपया, पटवारी-राजस्व निरीक्षक प्रशिक्षण केन्द्र बर 6 करोड़ रुपया, राजस्व न्यायालय मन के ई-कोर्ट बर कम्प्यूटर अउ आन उपकरण मन के खरीदी बर दस करोड़ रुपया, राजस्व अधिकारी मन अऊ कर्मचारी मन के प्रशिक्षण बर एक करोड़ रुपया, भिलाई नगर निगम म नाला पाथवे निर्माण बर 4.86 करोड़ रुपया के स्वीकृति घलोक बैठक म प्रदान करिन।
मुख्यमत्री के अध्यक्षता म आयोजित बैठक म राजस्व मत्री श्री प्रेम प्रकाश पाण्डेय, मुख्य सचिव श्री विवेक ढांड, अपर मुख्य सचिव द्वय श्री एन.बैजेन्द्र कुमार अऊ श्री एम.के. राउत, मुख्यमत्री के प्रमुख सचिव श्री अमन कुमार सिंह, राजस्व विभाग के प्रमुख सचिव श्रीमती रेणु पिल्ले, प्रमुख सचिव वित्त श्री अमिताभ जैन, जनसम्पर्क सचिव श्री संतोष मिश्रा, मुख्यमत्री के सचिव श्री सुबोध कुमार सिंह, संयुक्त सचिव श्री रजत कुमार, संचालक जनसम्पर्क श्री राजेश सुकुमार टोप्पो घलोक उपस्थित रहिन।




style="display:block"
data-ad-client="ca-pub-3208634751415787"
data-ad-slot="4115359353"
data-ad-format="link">

Post a Comment

0 Comments