मुख्यमंत्री ह हादसा म छत्तीसगढ़ के मनखे मन के मृत्यु म गहरा दुःख व्यक्त करिन

रायपुर, 16 मई 2017। मुख्यमंत्री ह कई ठन हादसा म छत्तीसगढ़ के मनखे मन के मृत्यु म गहरा दुःख व्यक्त करे हें।

कोण्डागांव जिला के निवासी नौ तीर्थ यात्री मन के मौत-
मुख्यमंत्री डॉ. रमन सिंह हर छत्तीसगढ़ के कोण्डागांव जिला के निवासी नौ तीर्थ यात्रि मन के मध्यप्रदेश के शहडोल जिला मं होए सड़क हादसा मं आकस्मिक मृत्यु उपर गहरा दुःख व्यक्त करिन। डॉ. सिंह हर आज इहां जारी शोक संदेश मं दिवंगत मन के परिवार के प्रति संवेदना प्रकट करे हें। डॉ. सिंह हर हादसा मं घायल यात्रि मन के जल्दी स्वास्थ्य लाभ के कामना घलव करे हें। आप मन जानतेच होहू कि कोण्डागांव जिला के ये तीर्थ यात्री मन ऋषिकेश अऊ बनारस के यात्रा के बाद एक वाहन मं वापस लहुब्‍त रहिन हें, तभे काल शहडोल जिला के जयसिंह नगर थाना क्षेत्र के ग्राम सेमरा तीर उंखर वाहन सड़क किनारे खढ़े ट्रक ले टकरा गीस। एखर फलस्वरूप ये दुर्घटना हो गीस।

रघुनाथपुर म सड़क हादसा म चार यात्री मन के मृत्यु-
मुख्यमंत्री डॉ. रमन सिंह हर सूरजपुर जिला म प्रेमनगर तीर तारा-रामानुजनगर मार्ग म ग्राम रघुनाथपुर म सड़क हादसा म चार यात्रि मन के मृत्यु म शोक प्रकट करिन। डॉ. सिंह हर आज इहां जारी शोक संदेश म ए जम्‍मो दिवंगत मन के परिवार के प्रति अपन गहिर संवेदना अउ सहानुभूति प्रकट करे हावंय। आप मन जानतेच होहू कि एक वैवाहिक समारोह म सामिल होके ग्राम साल्ही ले वापस नवापारा कला लहुटत यात्रि मन के वाहन ल बीते रात कोयला ले लदे एक दूसर वाहन हर टक्कर मार देहे रहिस। जेखर फलस्वरूप ये वाले दुर्घटना हो गीस। मुख्यमंत्री हर घायल मन के जल्दी स्वस्थ होए के कामना करे हावय।

धनोरा म तालाब म डूबे ले तीन नान्हें बालिका मन के मृत्यु-
मुख्यमंत्री डॉ. रमन सिंह हर तालाब म डूबे ले तीन नान्हें बालिका मन के मृत्यु म शोक प्रकट करे हावंय। उमन गरियाबंद जिला म अमलीपदर ले लगभग आठ किलोमीटर दूरिहा ग्राम धनोरा म होए ए हादसा ल बहुत पीड़ादायक बताए हावय। डॉ. सिंह हर आज इहां जारी शोक संदेश म ग्राम धनोरा निवासी तीनों बालिका मन के परिवार के प्रति संवेदना अउ सहानुभूति प्रकट करे हावंय। उमन जिला प्रशासन ल पीड़ित परिवार के हर संभव मदद करे के निर्देश दे हावंय।

Post a Comment

0 Comments