महिला स्व-सहायता समूह मन के बनाये ईटा ले होवत हे मकान अऊ शौचालय के निर्माण






रायपुर, 25 मई 2017। राज्य ग्रामीण आजीविका मिशन (बिहान) के तहत गठित महिला स्व-सहायता समूह मन के सदस्य मन के बनाये ईटा से आवासहीन गरीब परिवार मन बर प्रधानमंत्री आवास योजना के मकान अऊ अस्वच्छता के सामाजिक बुराई ले निजात देवाये शौचालय के निर्माण करे जात हे। ग्रामीण आजीविका मिशन ले जुड़े एक हजार 251 समूह ईंट निर्माण के काम मं लगे हें। ए समूह मन ले अंदाजन 15 करोड़ ईटा के निर्माण करके गांव मन मं मकान अऊ शौचालय बनाए बर सप्लाई करे जात हे। एखर से ग्रामीण मन ल मकान अऊ शौचालय बनाए बर सस्ता म ईंटा मिलत हे उन्हें स्व सहायता समूह मन के सदस्य मन ल लगातार रोजगार मिलत हे।
पंचायत अउ ग्रामीण विकास विभाग के अधिकारी मन ह आज इहां बताइन कि राज्य ग्रामीण आजीविका मिशन (बिहान) के तहत अंदाजन 60 हजार महिला स्व-सहायता समूह मन के गठन करे गए रहिसि हे। ए समूह मन म सात लाख ले जादा महिला मन स्व-रोजगार के दिशा मं परंपरागत व्यवसाय मन ले जुड़े हें। अधिकारी मन बताइन कि ग्रामीण क्षेत्र मन मं बहुत झन ग्रामीण मन ईंटा बनाथे। ए समूह मन के सदस्य मन ल योजना के तहत विशेषज्ञ दल से ईंट के निर्माण के प्रशिक्षण दे गए हे। अब बिहान के समूह मन ले शासकीय योजना मन मं बननइया भवन मन बर ईंटा के सप्लाई चालू हो गए हे।




style="display:block"
data-ad-client="ca-pub-3208634751415787"
data-ad-slot="4115359353"
data-ad-format="link">



style="display:block"
data-ad-format="autorelaxed"
data-ad-client="ca-pub-3208634751415787"
data-ad-slot="1301493753">

Post a Comment

0 Comments