सूरजपुर म लोक निर्माण मंत्री श्री राजेश मूणत


  • लोक निर्माण मंत्री ह सूरजपुर मं 248 करोड़ के विकास कार्य मन के करिन भूमिपूजन अउ लोकार्पण


रायपुर, 17 मई 2017। लोक निर्माण मंत्री श्री राजेश मूणत लोक सुराज अभियान के समय अभी सरगुजा संभाग के दौरा म हें। उमन काल सूरजपुर जिला के विकासखण्ड मुख्यालय रामानुजनगर मं 247 करोड़ 64 लाख रूपया के राशि के विकास अऊ निर्माण कार्य मन के भूमिपूजन अउ लोकार्पण करिन। एमां 66 करोड़ 77 लाख रूपया के विकास कार्य के लोकार्पण करे गीस। जेमां 62 करोड़ 52 लाख रूपया के लागत ले 16.85 किलोमीटर लंबाई के नवनिर्मित सूरजपुर रिंग रोड, दू करोड़ 18 लाख रूपया के लागत के विश्राम भवन सूरजपुर अऊ दू करोड़ सात लाख रूपया ले नवनिर्मित आई.टी.आई. भवन रामानुजनगर के काम सामिल हे। कार्यक्रम मं 180 करोड़ 87 लाख रूपया के विकास कार्य के भूमिपूजन करे गीस। एमां 142 करोड़ रूपया के स्वीकृत राशि ले बनइया तारा ले प्रेमनगर-रामानुजनगर मार्ग लंबाई 50 किलोमीटर अऊ नौ करोड़ 12 लाख रूपया के राशि ले बनइया पॉलिटेक्निक कॉलेज भवन के निर्माण आदि काम सामिल हे।
तारा-प्रेमनगर-रामानुजनगर सड़क यातायात के दृष्टिकोण ले सूरजपुर जिला के एक महत्वपूर्ण मार्ग हे। अभी हाल मं ए मार्ग मं यातायात के काफी दबाव हे। एला ध्यान मं रखत सड़क मार्ग के उन्नयन करे जात हे। ये मार्ग राष्ट्रीय राजमार्ग नंबर 130 अउ राष्ट्रीय राजमार्ग 43 ल जोड़थे। एखर निर्माण ले एक तरफ तारा, जगतपुर, पवनपुर, केदारपुर, प्रेमनगर अउ रामानुजनगर आदि प्रमुख गांव तक आवागमन के अच्छा सुविधा मिलही उन्‍हें दुसर कोति के क्षेत्र के अंदाजन एक लाख निवासी मन ल जिला मुख्यालय सूरजपुर बर सगुम यातायात के सुविधा मिल जाही। अइसनहे सूरजपुर मं रिंग रोड के निर्माण करे गए हे। एखर ले जिला मुख्यालय मं यातायात के दबाव मं काफी हद तक कमी आही। ए अवसर म कार्यक्रम के अध्यक्षता गृह मंत्री श्री रामसेवक पैकरा हर करिन, कार्यक्रम मं सांसद सरगुजा श्री कमलभान सिंह संग अड़बड़ झन नागरिक बड़ी उपस्थित रहिन।

Post a Comment

0 Comments