भगवान गौतम बुद्ध के विचार आज घलो प्रासंगिक अऊ प्रेरणादायक: डॉ. रमन सिंह

मुख्यमत्री हर बुद्ध पूर्णिमा म जनता ल दीन शुभकामना







रायपुर 09 मई 2017। मुख्यमत्री डॉ. रमन सिंह हर कहे हें कि विश्व शांति अऊ मानवता के कल्याण बर भगवान गौतम बुद्ध के विचार ढाई हजार साल ले जादा समय बीत जाय के बावजूद आज घलोक प्रासंगिक अऊ प्रेरणादायक हे। मुख्यमत्री हर बुद्ध पूर्णिमा के पूर्व संध्या म आज इहां जनता के नाम जारी शुभकामना संदेश म ए आशय के विचार व्यक्त करे हें। उमन कहिन - इतिहासकार मन के अनुसार भगवान गौतम बुद्ध के जन्म अऊ महापरिनिर्वाण एके दिन मने बैशाख पूर्णिमा के दिन होय रहिस। बुद्ध पूर्णिमा के रूप म मनाये जाने वाला ये दिन हमला ऊंखर महान जीवन दर्शन के सुरता देवाथे। भगवान बुद्ध हर अपन समय के संसार ल सत्य, अहिंसा, दया, करूणा अऊ परोपकार जइसन सर्वश्रेष्ठ मानवीय मूल्य मन ल अपनाए के प्रेरणा देहे हें। डॉ. रमन सिंह हर कहिन- छत्तीसगढ़ बर ये सौभाग्य के बात हे कि हमार इहां के जनजीवन म सैकड़ों हजारों बरस ले भगवान बुद्ध के विचार के गहरा प्रभाव रहे हे। महानदी के तीर सिरपुर के ऐतिहासिक बौद्ध स्मारक एकर प्रत्यक्ष उदाहरण हे। मुख्यमत्री हर जम्‍मो लोगन ल देश अऊ दुनिया म शांति, समृद्धि अऊ खुशहाली लाय बर भगवान गौतम बुद्ध के बताए मार्ग म चले के आव्हान करिन।




style="display:block"
data-ad-client="ca-pub-3208634751415787"
data-ad-slot="4115359353"
data-ad-format="link">

Post a Comment

0 Comments