विकास के मुख्यधारा मं पहाड़ी कोरवा मन के नवा पीढ़ी

मुख्यमंत्री डॉ. रमन सिंह हर दीस बधाई


रायपुर, 12 मई 2017। जंगल अऊ पहाड़ मन म अति कठिन परिस्थिति मन मं जीवन-यापन करइया पहाड़ी कोरवा समुदाय के नवा पीढ़ी घलोक अब विकास के मुख्य धारा ले जुड़े लगे हे। विशेष पिछड़ी जनजाति के दर्जा प्राप्त ए समुदाय के युवा मन ल राज्य सरकार के आजीविका (लाइवलीहुड) कॉलेज कोरबा मं कई ठन व्यवसाय मन के प्रशिक्षण देहे जात हे। मुख्यमंत्री डा. रमन सिंह हर बीते रात जिला मुख्यालय कोरबा मं लाईवलीहुड कॉलेज ले सुरक्षा गार्ड के प्रशिक्षण प्राप्त पहाड़ी कोरवा समुदाय के सात युवा मन ल बधाई अऊ शुभकामना दीन। लोक सुराज अभियान के तहत कोरबा पहुंचे मुख्यमंत्री ले ए पहाड़ी कोरवा युवा मन हर जिला पंचायत कार्यालय मं सौजन्य मुलाकात करिन। ए अवसर म नगरीय प्रशासन मंत्री अऊ कोरबा जिला के प्रभारी श्री अमर अग्रवाल, लोकसभा सांसद डॉ. बंशीलाल महतो, संसदीय सचिव श्री लखन लाल देवांगन, मुख्य सचिव श्री विवेक ढांड अऊ आन संबंधित वरिष्ठ अधिकारी उपस्थित रहिन।

Post a Comment

0 Comments