राज्य वित्त आयोग के अध्यक्ष श्री साहू के दौरा कार्यक्रम


  • श्री साहू 24 अऊ 25 मई के दिन जगदलपुर मं लेंहीं बैठक






रायपुर, 22 मई 2017। छत्तीसगढ़ राज्य वित्त आयोग के अध्यक्ष श्री चन्द्रशेखर साहू काल 23 ले 25 मई तक बस्तर संभाग के तीन दिवसीय प्रवास म रहिहं। उंखर निरधारित दौरा कार्यक्रम के अनुसार श्री साहू 23 मई के संझा चार बजे रायपुर ले कार ले प्रस्थान करके संझा 6.30 बजे जिला मुख्यालय कोण्डगांव पहुंचहीं। उहां ले संझा 7.30 बजे प्रस्थान करके रात 8.30 बजे जिला मुख्यालय जगदलपुर पहुंचहीं। श्री साहू रात्रि थिरावन जगदलपुर मं करंहीं। ओ मन आघू दिन 24 मई के बिहनिया 10.30 बजे जगदलपुर के कलेक्टोरेट सभागृह मं पंचायत अउ ग्रामीण विकास विभाग के अधिकारी मन के संग बैठक लिहीं। एखर पाछू मंझनिया दू बजे पंचायत अउ जनपंचायत के प्रतिनिधि मन के संग बैठक लिहीं। श्री साहू 25 मई के बिहनिया दस बजे जगदलपुर के कलेक्टोरेट सभागृह मं नगर निगम, नगर पंचायत के जनप्रतिनिधि मन अउ अधिकारी मन के संग बैठक लिहीं। ओ मन मंझनहे तीन बजे जगदलपुर ले रायपुर बर लहुटहीं।





Post a Comment

0 Comments