मुख्यमंत्री अचानक पहुंचिन रसोई गैस गोदाम

रायपुर, 10 मई 2017/ मुख्यमंत्री डॉ. रमन सिंह ह आज लोक सुराज अभियान के तहत कांकेर जिला के ग्राम साल्हे (विकासखण्ड-भानुप्रतापपुर) म रसोई गैस सिलेण्डर के गोदाम के आकस्मिक निरीक्षण करिन। प्रधानमंत्री उज्ज्वला योजना के तहत राज्य के अंदाजन ग्यारा लाख गरीब परिवार ल डबल बर्नर चूल्हा अउ गैस सिलेण्डर के संग रसोई गैस कनेक्शन देहे गए हे। उमन ल गैस सिलेण्डर सरलग मिलत रहय, एकर खातिर राज्य सरकार ह दूर-दराज के क्षेत्र मन म 50 वितरण केन्द्र के स्वीकृति प्रदान करे हे। ग्राम साल्हे म घलव रसोई गैस वितरण केन्द्र अउ गोदाम के स्थापना करे गए हे। ये बेरा म मुख्यमंत्री के संग मुख्य सचिव श्री विवेक ढांड घलव मौजूद रहिन।

Post a Comment

0 Comments