मुख्यमंत्री हर दिव्यांग लखनलाल ल दीस आवास के सौगात

मुख्यमंत्री अचानक पहुंचिन सिर्री अउ किसान मन ल सोलर पंप, गांव मं पुलिया निर्माण, सीसी रोड, बांध व नहर के गहरीकरण के दीन मंजूरी


रायपुर, 14 मई 2017। मुख्यमंत्री डॉ रमन सिंह लोक सुराज अभियान के तहत आज अचानक जांजगीर-चांपा जिला के ग्राम सिर्री (विकासखंड पामगढ़) पहुंचिन। उमन उहां चौपाल लगाके गांव वाले मन के समस्या सुनिन। मुख्यमंत्री ह उहां उपस्थित दिव्यांग लखनलाल साहू के मांग म ओला प्रधानमंत्री आवास के स्वीकृति घलोक दीन। डॉ. सिंह हर सिंचाई सुविधा बर सौर सुजला योजना के तहत सिर्री गांव के 10 किसान मन ल सोलर पंप स्वीकृत करे के घोषणा करिन। उमन राजस्व संबधी समस्या मन के निराकरण बर तहसीलदार ल सिर्रीच मं 18 मई के दिन शिविर लगाय के निर्देश घलोक दीन।
मुख्यमंत्री हर चौपाल मं गांव वाले मन ले स्कूल अऊ आंगनबाड़ी के समय म संचालन, शिक्षक अऊ बच्चा मन के उपस्थिति, मध्यान्ह भोजन, राशन, उज्ज्वला योजना के तहत गैस कनेक्शन के वितरण संग आन योजना मन के बारे मं जानकारी लीन। उमन गांव के किसान मन के आग्रह म महात्मा गांधी ग्रामीण रोजगार गारंटी योजना के तहत बांध के गहरीकरण अऊ नहर के विस्तार कराए के घोषणा करिन। गांव वाले मन के मांग म सिर्री नाला म पुलिया निर्माण बर 10 लाख रूपया के स्वीकृति, सिर्री के दू वार्ड मन मं सीमेंट क्रांकीट सड़क के निर्माण कराए अउ मुक्तिधाम मं दू शेड निर्माण के घोषणा घलोक करिन। डॉ सिंह हर सिर्री के उप स्वास्थ्य केन्द्र मं अतिरिक्त कमरा बनाए अउ नलकूप खनन के मंजूरी घलोक ए अवसर म दीन। उमन शौचालय निर्माण के जानकारी लीन अऊ दू महिना के भीतर सब्बो घर मन मं शौचालय बनाए बर गांव वाले मन ल प्रेरित करिन ताकि सिर्री घलोक ओडीएफ ग्राम के रूप मं अपन पहिचान बना सकय। मुख्यमंत्री हर समीपस्थ ग्राम हिर्री मं 10 लाख रूपए के लागत ले सीमेन्ट कांक्रीट सड़क निर्माण के मंजूरी घलोक दीन। ए मौका म संसदीय सचिव श्री अम्बेश जांगड़े, मुख्य सचिव श्री विवेक ढांड, मुख्यमंत्री के संयुक्त सचिव श्री रजत कुमार, कलेक्टर डॉ. भारती दासन संग बड़ संख्या मं ग्रामीणजन उपस्थित रहिन।

Post a Comment

0 Comments