आगी बरसत बेरा म घलोक मुख्यमंत्री के लोक सुराज के दौरा


  • तरकोरी-जमगहन म अचानक पहुंचके करिन, चौपालों म गांव वाले मन से मुलाकात

  • खेत मन म शेड-नेट विधि ले होवत खीरा के उन्नत खेती ल देखिन

  • तरकोरी के चौपाल म मंगल भवन बर 10 लाख रूपया मंजूर करिन


रायपुर, 17 मई 2017। मौसम विभाग के चेतावनी अउ अंदाजन 47 डिग्री तापमान के मपत घाम अउ गर्मी के बावजूद लोक सुराज अभियान के तहत मुख्यमंत्री डॉ. रमन सिंह के सघन दौरा आज घलोक जारी रहिस। डॉ. सिंह रायपुर ले हेलीकाप्टर से दुर्ग जिला के ग्राम तरकोरी (विकासखंड धमधा) अउ बलौदाबाजार-भाटापारा जिला के ग्राम जमगहन (विकासखंड बिलाईगढ़) अचानक पहुंचिन। दुनों गांवों के चौपालों म उमन गांव वाले मन ले उंखर समस्या अउ जरूरत मन के बारे म गोठ-बात करिन।
डॉ. सिंह हर धमधा विकासखंड के ग्राम तरकोरी म उन्नत खेती के घलोक जायजा लीन। ओ मन किसान मन के खेत म पहुंच के, जिहां शेड नेट म करे जात हे उहां के खीरा अउ आन साग मन के खेती ल देखिन। मुख्यमंत्री हर ए बात म खुशी जताइन कि अब छत्तीसगढ़ के किसान खेती के उन्नत तौर तरीका ल अपनाए लगे हावंय अउ गर्मी म साग-सब्जी के घलोक अच्छा खेती करत हें। डॉ. सिंह तरकोरी म संचालित गौशाला म घलोक पहुंचिन, उहां उमन मवेशी मन के रख-रखाव के जानकारी लीन अउ एक नान्‍हे बछवा ल गुड़ घलोक खवाइन।
मुख्यमंत्री हर तरकोरी के चौपाल म 10 लाख रूपया के लागत ले मंगल भवन अउ उहां के दू वार्ड मन म आठ लाख रूपया के लागत ले सीमेंट कांक्रीट सड़क (सीसी रोड) मंजूर करे के घोषणा करिन। उमन ये घलोक कहिन कि गांव के नजदीक पाण्डेय तालाब ले तरकोरी के किसान मन ल सिंचाई सुविधा देवाए बर नहर निर्माण करे जाही। मुख्यमंत्री हर तरकोरी म दू जघा पेयजल आपूर्ति बर सोलर पम्प लगवाए के घलोक ऐलान करिन। मुख्यमंत्री ल तरकोरी म स्थानीय पंचायत सचिव के विरूद्ध शासकीय योजना मन के क्रियान्वयन म लापरवाही के शिकायत मिलीस। एखर उपर उमन कलेक्टर ल संबंधित कर्मचारी के विरूद्ध नियमानुसार जरूरी कार्रवाई करे के निर्देश दीन।

Post a Comment

0 Comments