अब प्रदेश म प्लास्टिक इंजीनियरिंग म बी.ई.

[responsivevoice_button voice="Hindi Female" buttontext="ये खबर ला सुनव"]





रायपुर, 31 मई 2017। छत्तीसगढ़ के राजधानी रायपुर स्थित केन्द्रीय प्लास्टिक इंजीनियरिंग अऊ टेक्नॉलाजी संस्था (सिपेट) ल चालू शैक्षणिक सत्र 2017-18 ले बी.ई. के संचालन बर अखिल भारतीय तकनीकी शिक्षा परिषद (एआईसीटीई) नई दिल्ली ले मंजूरी मिल गए हे। होनहार विद्यार्थी मन ल अब अपन ही प्रदेश मं प्लास्टिक इंजीनियरिंग के शिक्षा मिल सकही। येमा दाखिला पी.ई.टी. के माध्यम ले बी.ई. के 60 सीट बर मिलही। ये संस्‍था स्‍वामी विवेकानंद तकनीकी विश्वविद्यालय (सीएसवीटीयू) छत्तीसगढ़ ले घलोक संबद्ध हे।
ये संस्थान राजधानी रायपुर के नजदीक भनपुरी मं स्थित हे। संस्थान मं प्लास्टिक इंजीनियरिंग अऊ तकनीकी क्षेत्र मं डिप्लोमा, पोस्ट डिप्लोमा, पोस्ट ग्रेजुएट डिप्लोमा, स्नातक अऊ स्नातकोत्तर डिग्री पाठयक्रम संचालित करे जात हे। संस्थान मं कुछ डिप्लोमा पाठयक्रम अऊ कौशल उन्नयन के अल्प कालीन पाठ्यक्रम के शुरूआत करे गए हे। संस्थान ले छत्तीसगढ़ के नक्सल प्रभावित जिला मन के अंदाजन 1100 ले जादा युवा मन ल मुख्यमंत्री कौशल विकास कार्यक्रम के तहत बहुलक इंजीनियरिंग के क्षेत्र मं रोजगार अऊ विकास बर नवा दृष्टि प्रदान करे के शुरूआत करे गए हे। प्रदेश के बेरोजगार युवा मन ल शैक्षणिक अऊ रोजगारमूलक कौशल प्रशिक्षण प्रदान करे अऊ प्लास्टिक उद्योग मन बर तकनीकी सहायता सेवा प्रदान करे मं ये संस्थान महत्वपूर्ण योगदान देवत हे।
आप मन जानतेच होहू कि केन्द्रीय प्लास्टिक इंजीनियरिंग अऊ टेक्नोलॉजी संस्थान (सिपेट) के शुभारंभ पाछू साल 22 अपरेल को केन्द्रीय रसायन अउ उवर्रक मंत्री श्री अनंत कुमार अऊ मुख्यमंत्री डॉ. रमन सिंह हर संघरा करे रहिन।




style="display:block"
data-ad-client="ca-pub-3208634751415787"
data-ad-slot="4115359353"
data-ad-format="link">



style="display:block"
data-ad-format="autorelaxed"
data-ad-client="ca-pub-3208634751415787"
data-ad-slot="1301493753">

Post a Comment

0 Comments