निर्माण कार्य मन के गुणवत्ता मं लापरवाही बरते म अधिकारी होही निलंबित


  • मुख्यमंत्री हर दीस चेतावनी

  • प्रमुख अभियंता से लेके उप अभियंता तक नियमित रूप से करव निर्माण कार्य मन के निरीक्षण: समीक्षा बैठक मं मुख्यमंत्री हर दीन निर्देश






रायपुर, 22 मई 2017। मुख्यमंत्री डॉ. रमन सिंह हर निर्माण कार्य मन मं गुणवत्ता बर लापरवाही बरतइया अधिकारी मन ल निलंबन करे के चेतावनी देहे हे। उमन आज इहां अपन निवास कार्यालय मं लोक निर्माण विभाग के कार्य मन के अंदाजन तीन घंटा तक गहन समीक्षा करिन। डॉ. सिंह हर कहिन कि विभाग ले कई सराहनीय निर्माण काम घलोक करे हें, फेर कुछ इलाका म लोक सुराज अभियान के दौरान स्थानीय निर्माण कार्य मन के गुणवत्ता ल लेके मोला कुछ शिकायत घलोक मिले हे, जेकर जांच कराए जाही। डॉ. सिंह हर कहिन कि सड़क अऊ सरकारी भवन के निर्माण मं गुणवत्ता के अनदेखी बर्दाश्त नइ करे जाए। जांच मं गुणवत्ता विहीन निर्माण पाए जाय म एखर खातिर जिम्मेदारी तय करके सबंधित अधिकारी मन ल निलंबित करे जाही।





Post a Comment

0 Comments