मुख्यमंत्री डॉ. रमन सिंह ह दीन सैद्धांतिक सहमति


  • रायपुर-विशाखापट्नम के बीच नवा राष्ट्रीय राजमार्ग के प्रस्ताव

  • अंदाजन 200 किलोमीटर के दूरी कम होही

  • तीन राज्य ल जोड़ही प्रस्तावित राजमार्ग

  • डॉ. रमन सिंह के अध्यक्षता मं लोक निर्माण विभाग के समीक्षा बैठक






रायपुर, 22 मई 2017। छत्तीसगढ़ के मुख्यमंत्री डॉ. रमन सिंह हर राजधानी रायपुर ल एक नवा सड़क मार्ग ले विशाखापट्नम ले सीधा जोड़े बर मुख्यमंत्री श्री एन. चन्द्रबाबू नायडू के प्रस्ताव म अपन सैद्धांतिक सहमति प्रदान कर देहे हे। श्री नायडू हर एला राष्ट्रीय राजमार्ग घोषित करे के प्रस्ताव देहे हे।
डॉ. सिंह हर आज इहां अपन निवास कार्यालय मं आयोजित लोक निर्माण विभाग के समीक्षा बैठक मं ए प्रस्ताव म गहन विचार-विमर्श करिन। विभागीय अधिकारी मन हर बैठक मं बताइन कि आंध्रप्रदेश सरकार हर रायपुर ले विजयनगरम-विशाखापट्नम मार्ग ल राष्ट्रीय राजमार्ग घोषित करे के प्रस्ताव देहे हे अऊ एखर खतिर कम दूरी के मार्ग के रूप मं छत्तीसगढ़ के कुरूद ले नगरी (सिहावा) अऊ ओड़िशा के नवरंगपुर ले विशाखापट्नम तक रद्दा ल चिन्हांकित करे हे। डॉ. रमन सिंह हर ए बात म खुशी जताइन कि ये नवा प्रस्तावित राष्ट्रीय राजमार्ग तीन राज्य-छत्तीसगढ़, ओड़िशा अऊ आंध्रप्रदेश ल जोड़ही।





Post a Comment

0 Comments