देश के पहिली स्मार्ट शहर बनही नवा रायपुर: डॉ. रमन सिंह






रायपुर, 24 मई 2017। मुख्यमंत्री डॉ. रमन सिंह हर आज संझा राजधानी रायपुर मं तीन दिवसीय ’स्मार्ट सिटी समिट’ ल सम्बोधित करत कहिन कि नवा रायपुर ’स्मार्ट राजधानी’ के रूप मं देश अऊ दुनिया मं अपन पहिचान बनावत हे। नवा रायपुर देश के पहिली स्मार्ट शहर बनही। उमन कहिन कि नवा रायपुर अऊ मोर रायपुर (पुराना रायपुर शहर) मिलके सुविधाजनक अऊ विश्व स्तरीय स्मार्ट शहर के रूप मं विकसित होही। ए दिशा मं राज्य सरकार ले बहुत अकन कदम घलोक उठाए गए हावे। मुख्यमंत्री हर कहिन कि हर शहर के अपन व्यक्तित्व होथे। शहर मन ल स्मार्ट सिटी के स्वरूप देवत समय हमला शहर के संस्कृति , परम्परा अऊ पर्यावरण के ध्यान रखना होही। शहर के धरोहर ल सहेजे के उपाय घलोक करना होही। मुख्यमंत्री हर कहिन कि जुन्ना रायपुर शहर हर 150 साल के यात्रा पूरा कर लेहे हे। ए शहर ल स्मार्ट शहर के रूप मं विकसित करे के काम कठिन अऊ चुनौतीपूर्ण हे। नागरिक मन के संग बेहतर तालमेल अऊ आधुनिक तकनीक के उपयोग करके येमां कुछ बेहतर जोड़े जा सकत हे।
सम्मेलन मं कृषि मंत्री श्री बृजमोहन अग्रवाल, नगरीय विकास मंत्री श्री अमर अग्रवाल अऊ लोक निर्माण मंत्री श्री राजेश मूणत अऊ नगर निगम रायपुर के महापौर श्री प्रमोद दुबे विशेष अतिथि के रूप मं उपस्थित रहिन। सम्मेलन के आयोजन नगर निगम रायपुर, रायपुर स्मार्ट सिटी लिमिटेड अऊ इलेट्स मीडिया टेक्नालॉजी प्राईवेट लिमिटेड कोति ले करे गए रहिस।




style="display:block"
data-ad-client="ca-pub-3208634751415787"
data-ad-slot="4115359353"
data-ad-format="link">



style="display:block"
data-ad-format="autorelaxed"
data-ad-client="ca-pub-3208634751415787"
data-ad-slot="1301493753">

Post a Comment

0 Comments