पर्यावरण के रक्षा बर जैव विविधता ल बचाना जरूरी: डॉ. रमन सिंह


  • काली मनाए जाही जैव विविधता दिवस: मुख्यमंत्री ह दीन शुभकामना






रायपुर, 21 मई 2017। मुख्यमंत्री डॉ. रमन सिंह हर काल 22 मई के दिन अन्तर्राष्ट्रीय जैव विविधता दिवस के अवसर म जनता ल हार्दिक बधाई अऊ शुभकामना देहे हें। डॉ. सिंह हर कहे हे कि पृथ्वी म पर्यावरण के सुरक्षा बर जैव विविधता ल बचाना बहुत जरूरी हे। उमन एखर खातिर सबो मनखे से सक्रिय सहयोग के अपील करे हें। उमन कहिन - तेज रफ्तार आधुनिक जीवनशैली अऊ तेज गति ले होवत औद्योगिक विकास के फलस्वरूप पूरा दुनिया मं जैव विविधता ल बचाना एक बड़का चुनौती हो गए हे। हम जादा ले जादा वृक्षारोपण करके अऊ लगाए गए पौधा मन के सुरक्षा करत जिहां हरित पर्यावरण के विकास मं योगदान दे सकत हावन, उन्‍हें वन सम्पदा अऊ जल सम्पदा, वन्य प्राणी मन संग तमाम प्राकृतिक सम्पदा मन ल सुरक्षित रखत जैव विविधता ल घलोक संरक्षित कर सकत हावन। मुख्यमंत्री हर अपन संदेश म मनखे, समाज, देश अऊ दुनिया के जरूरत मन के पूर्ति बर जल, जंगल अऊ जमीन के संतुलित अऊ सुरक्षित उपयोग म घलोक बल देहे हें। उमन कहे हें कि एखर ले जैव विविधता ल बचाय अऊ ओखर विकास मं मदद मिलही। मुख्यमंत्री हर कहिन -छत्तीसगढ़ जैव विविधता के दृष्टि ले काफी समृद्ध राज्य हे। ये हमला प्रकृति के विरासत मं मिले मूल्यवान सम्पत्ति हे। उमन राज्य के जैव विविधता के रक्षा बर घलोक प्रदेश वासी मन ल सहयोग करे के आव्हान करे हें।





Post a Comment

0 Comments