रायपुर, 30 जून 2017। राज्य शासन कोति ले कबीरधाम (कवर्धा) जिला के गांव मन म बेहतर आवागमन बर चालू साल 2017-18 के अंतर्गत 10 सड़क मन के निर्माण के मंजूरी देहे गए हावय। सड़क मन ल बनाए बर 19 करोड़ 95 लाख रूपिया के प्रावधान रखे गए हावय। ए गांव मन के सड़क मन के निर्माण लोक निर्माण विभाग कोति ले करे जाही।
ए सड़क मन म विकासखंड पंडरिया के ग्राम करपीकला ले अमलडीहा तक 5 किलोमीटर सड़क निर्माण बर तीन करोड़ रूपिया के राशि स्वीकृत हावय। अइसने विकासखंड मुख्यालय पंडरिया के महावीर चौक ले नेउरगांव तक 3.2 किलोमीटर बर दू करोड़ रूपिया, कांपादह-सरईसेत ले उदका एक किलोमीटर बर एक करोड़ पांच लाख रूपिया अउ मलकछरा ले मझोली तक 3.50 किलोमीटर सड़क निर्माण बर दू करोड़ रूपिया स्वीकृत करे गए हावय।
ग्राम कुंआ ले गोपालपुर मार्ग 1.50 किलोमीटर निर्माण बर एक करोड़ पांच लाख रूपिया, गैंदपुर ले गातापार मार्ग 2.50 किलोमीटर बर एक करोड़ 80 लाख रूपिया अउ बिरनपुर ले इंदौरी मार्ग 3 किलोमीटर सड़क निर्माण बर एक करोड़ 80 लाख रूपिया के राशि स्वीकृत हावय। अइसने गौरमाटी ले उरैहा मार्ग लम्बाई 1.5 किलोमीटर निर्माण बर एक करोड़ पांच लाख रूपिया, प्रतापपुर-भगतपुर-निंगापुर 8.60 किलोमीटर बर पांच करोड़ रूपिया अउ सिंघौरी-गातापार मार्ग 2 किलोमीटर सड़क निर्माण बर एक करोड़ 20 लाख रूपिया स्वीकृत करे गए हावय।
- मुख्यमंत्री युवा स्वावलंबन योजना: डॉ. रमन सिंह ह करिस नतीजा के घोसना
- कई ठन हितग्राही मूलक योजना मन के तहत जादा ले जादा प्रकरण स्वीकृत करे के निर्देश
- जीएसटी म टीडीएस के प्रावधान अभी लागू नइ होवय
- कार्य योजना बनाके गांव वाले मन के समस्या मन के करव निराकरण: अजय चन्द्राकर
- सांख्यिकी दिवस के अवसर म कार्यशाला मं सांख्यिकी विशेषज्ञ मन रखिन राय
- जनदर्शन मं करीब साढ़े बारह सौ मनखे मन मुख्यमंत्री से मुलाकात करिन
