मेडिकल कॉलेज के 26 सदस्यीय टीम आज पहुंचही सुपेबेड़ा





[responsivevoice_button voice="Hindi Female" buttontext="ये खबर ला सुनव"]

मेडिसीन, पैथोलॉजी, रेडियोलॉजी, डेंटल, ऑर्थो अऊ शिशुरोग विशेषज्ञ मन घलोक टीम मं सामिल
सोनोग्राफी, एक्स-रे, ईसीजी अऊ इलेक्ट्रोलाईट मशीन मन से करे जाही ग्रामीण मन के मुफ्त डॉक्टरी जांच
देवभोग मं लगाए जाही निःशुल्क स्वास्थ्य शिविर: सुपेबेड़ा के 1200 ग्रामीण मन के होही स्वास्थ्य परीक्षण
मेडिकल कॉलेज रायपुर ले स्वस्थ होके ग्यारा मरीज घर लहुटिन


रायपुर, 11 जून 2017। राज्य सरकार ह गरियाबंद जिला के ग्राम सुपेबेड़ा (विकासखण्ड-देवभोग) मं किडनी के बीमारी ले कई गांव वाले मन के पीड़ित होए के सूचना मन ल गंभीरता से लेहे हे। मुख्यमंत्री डॉ. रमन सिंह ह स्वास्थ्य विभाग ल पीड़ित मन के मदद बर सब्बो जरूरी उपाय करे के निर्देश देहे हे। राहत, बचाव अऊ इलाज बर स्वास्थ्य विभाग कोति ले तत्परता से प्रभावी कदम उठाए जात हे। मुख्यमंत्री हर स्वास्थ्य मंत्री श्री अजय चन्द्राकर ले घलोक ए बारे मं पूरा जानकारी लेहे हे। स्वास्थ्य मंत्री श्री चन्द्राकर विभागीय अधिकारी मन के बैठक लेके स्थिति के लगातार समीक्षा करत हे।
स्वास्थ्य मंत्री श्री चन्द्राकर के निर्देश म राजधानी रायपुर के जवाहर लाल नेहरू मेडिकल कॉलेज के डॉक्टर मन अऊ पैरामेडिकल कर्मचारी मन के 26 सदस्यीय टीम काल 12 जून के दिन ग्राम सुपेबेड़ा पहुंचत हे।







Post a Comment

0 Comments