29 जून के दिन मनाए जाही सांख्यिकी दिवस

रायपुर, 28 जून 2017। राज्य सरकार के आर्थिक अउ सांख्यिकी संचालनालय कोति ले काल बिरसपतवार 29 जून के दिन इहां सिविल लाइन स्थित नवीन विश्राम गृह के सभाकक्ष म बिहनिया 10.30 बजे सांख्यिकी दिवस के आयोजन करे जाही। ये दिवस हर साल भारत के प्रसिद्ध सांख्यिकी वैज्ञानिक प्रोफेसर पी.से. महालनोबिश के जयंती के अवसर म मनाए जाथे। आर्थिक अउ सांख्यिकी संचालनालय से ए अवसर म इहां सांख्यिकी दिवस समारोह म छत्तीसगढ़ विज्ञान अउ प्रौद्योगिकी परिषद के महानिदेशक डॉ. के. सुब्रमणियम अऊ राज्य योजना आयोग के सदस्य प्रोफेसर दिनेश मरोठिया संग कई विषय-विशेषज्ञ, प्रबुद्ध नागरिक अऊ वरिष्ठ अधिकारी सामिल होहीं। ये आयोजन केन्द्र सरकार के राष्ट्रीय प्रतिदर्श सर्वेक्षण के रायपुर स्थित आंचलिक कार्यालय के सहयोग ले करे जाही।  

Post a Comment

0 Comments