बालोद जिला म पांच पुल मन बर 6.60 करोड़ मंजूर

रायपुर, 30 जून 2017। राज्य शासन कोति ले बालोद जिला म चालू साल 2017-18 के अंतर्गत पांच पुल मन के निर्माण के मंजूरी देहे गए हावय। ए पुल मन के निर्माण लोक निर्माण विभाग कोति ले स्वीकृत छै करोड़ 60 लाख रूपिया के राशि ले करे जाही। एखर तहत बालोद जिला के घोटिया ले गांधीपारा मार्ग म स्थित सूखा नाला म पुल निर्माण बर एक करोड़ पांच लाख रूपिया के राशि स्वीकृत हावय। अइसने कंवर-गंगोरीपार-भोथली-बासीन मार्ग म स्थित चोरहा नाला म अउ मुख्य मार्ग ले चंदनबिरही मार्ग म पुल निर्माण बर डेढ़-डेढ़ करोड़ रूपिया के मंजूरी देहे गए हावय। एखर अलावा पिकरीपार ले अरमरी खुर्द मार्ग म एक करोड़ पांच लाख रूपिया अउ सीन-गंगोरीपार मार्ग म स्थित बासीन नाला म एक करोड़ 50 लाख रूपिया के राशि ले पुल के निर्माण करे जाही।

Post a Comment

0 Comments