पीएम मोदी हर हर्मिटेज संग्रहालय के करिस दौरा






अपन रूस यात्रा के आखरी दिन प्रधानमंत्री नरेंद्र मोदी हर ऐतिहासिक राज्य हर्मिटेज संग्रहालय के घलोक दौरा करिस। प्रधानमंत्री नरेंद्र मोदी हर सेंट पीटर्सबर्ग मं यूरेशियन इकनॉमिक कमिशन के चेयरमैन टिगरन सर्गसयान ले मुलाकात करिन। एखर अलावा प्रधानमंत्री मोदी आज सेंट पीटर्सबर्ग अंतरराष्ट्रीय आर्थिक मंच के आखरी सत्र मं हिस्सा लीन। पीएम मोदी मंगोलिया के प्रधानमंत्री, ऑस्ट्रिया के चांसलर अऊ संयुक्त राष्ट्र महासचिव एंटोनियो गुटरस के संग बैठक तको करहीं। तेकर बाद मं पीएम मोदी फ्रांस के राजधानी पेरिस बर रवाना होही। जिहां ओ मन फ्रांस के राष्ट्रपति इमॅन्यूएल मैक्रॉन के संग भारत अऊ फ्रांस के बीच रणनीतिक संबंध मन ल अऊ मजबूत बनाए बर द्विपक्षीय वार्ता करहीं।
प्रधानमंत्री आज सेंट पीटर्सबर्ग मं आयोजित होवइया अंतरराष्ट्रीय व्यापारिक मंच 2017 के कार्यक्रम मं घलोक हिस्सा लीस जेमां भारत मेहमान देश के रूप मं सामिल होइस। प्रधानमंत्री नरेन्द्र मोदी ए खास कार्यक्रम के मुख्य अतिथि के तौर म सामिल होइन।
आप मन जानतेच होहू कि रुस के यात्रा के पहिली दिन भारत अऊ रूस के बीच शिखर वार्ता होइस जेमां 12 बड़का समझौता मन म हस्ताक्षर करे गीस। येमां सबले महत्वपूर्ण रहिस कुडनकुलम मं परमाणु ऊर्जा संयंत्र के इकाई 5 अऊ 6 के निर्माण बर समझौता। भारत अऊ रूस हर क्रेडिट रेटिंग एजेंसी के विकास ल लेके घलोक संकल्प जाहिर करे गीस। एखर अलावा दुनों देश एविएशन सेक्टर मं घलोक द्विपक्षीय संबंध बढ़ाय म राजी होइन। ये मौका म रूस हर संयुक्त राष्ट्र सुरक्षा परिषद मं भारत के स्थायी सदस्यता के समर्थन तको करिस।
बाद मं प्रधानमंत्री हर ट्वीट करके बताइस कि रात कन के जेवन के पहिली उमन प्रसिद्ध पत्रकार मेगिन कैली के संग चिटिकन बातचीत करिन जऊन आज पीटर्सबर्ग मं आयोजित होवइया अंतरराष्ट्रीय आर्थिक फोरम 2017 के संचालक आए।
गुरूवार के दिन प्रधानमंत्री नरेंद्र मोदी हर रूस के राष्ट्रपति व्लादिमीर पुतिन से घलोक मुलाक़ात करिन अऊ दुनों ह 18वां वार्षिक भारत-रूस सम्मेलन मं हिस्सा लीन। ए सम्मेलन के बाद प्रधानमंत्री हर वो पल ल सुरता करिस जब वो 2001 मं गुजरात के मुख्यमंत्री के तौर म पहली बार इहां आए रहिन। पीएम हर कहिन कि भारत अऊ रूस के बीच 70 साल जुन्ना द्विपक्षीय राजनयिक संबंध वैश्विक मायने मं महत्वपूर्ण हे।




style="display:block"
data-ad-client="ca-pub-3208634751415787"
data-ad-slot="4115359353"
data-ad-format="link">



style="display:block"
data-ad-format="autorelaxed"
data-ad-client="ca-pub-3208634751415787"
data-ad-slot="1301493753">

Post a Comment

0 Comments