राज्यपाल श्री टंडन ले राज्य योग आयोग के अध्यक्ष ह करिस सौजन्य भेंट

स्‍कूल मन बर अलग से योग पाठ्यक्रम तैयार होही

रायपुर, 28 जून 2017। राज्यपाल श्री बलरामजी दास टंडन ले आज इहां राजभवन म छत्तीसगढ़ राज्य योग आयोग के नवनियुक्त अध्यक्ष श्री संजय अग्रवाल ह सौजन्य मुलाकात करिन। राज्यपाल ह श्री अग्रवाल ल योग के प्रचार-प्रसार बर बढि़या काम करे बर हार्दिक शुभकामना दीन। श्री अग्रवाल हर बताइस कि अंतर्राष्ट्रीय योग दिवस 21 जून के बेरा म राज्य म 50 लाख ले जादा मनखे मन योग करिन। ये रिकार्ड गोल्डन बुक ऑफ रिकॉर्ड म दर्ज करे जात हावय। श्री अग्रवाल ह बताइस कि आयोग कोति ले आम जनता के सुलभ-संदर्भ बर अलग-अलग बीमारी मन के उपचार बर करे जाने वाले, आसन/प्राणायाम संबंधी पुस्तिका मन ल छपवा के बांटे जाही। स्‍कूल मन बर घलोक अलग से पाठ्यक्रम तैयार करे जाही। प्रदेश स्तर ले लेके गांव स्तर तक योग प्रशिक्षण के कार्यक्रम संचालित करे जाही।

Post a Comment

0 Comments