प्रधानमंत्री नरेंद्र मोदी ह करिस सचिव मन के संग बैठक





[responsivevoice_button voice="Hindi Female" buttontext="ये खबर ला सुनव"]


नई दिल्‍ली, 06 जून 2017। प्रधानमंत्री नरेंद्र मोदी ह केंद्र सरकार के तमाम विभाग मन अऊ मंत्रालय मन के सचिव मन के संग अनौपचारिक बैठक करिन। ए दौरान मोदी ह वरिष्ठ अधिकारी मन से कहिन कि ऊंखर आघू देश के लोगन के जिंदगी ल बदले के सोनहा बेरा हे, फेर एखर खातिर आप मन ल पाछू सदी के प्रशासनिक ढांचा ले बाहिर निकलके काम करना होही।
प्रधानमंत्री हर सचिव मन से कहिस कि एखर बर साल 2022 तक करे जा सके वाले लक्ष्य तय करव, जऊन हमर आज़ादी के 75वीं वर्षगांठ घलोक हे। पीएम हर उमन से ये घलोक कहिन कि वो मन अपन मंत्रालय मन के दायरा ले बाहिर निकलके पूरा देश के विकास बर काम करव। जन धन योजना अऊ टीकाकरण कार्यक्रम मिशन इंद्रधनुष के जिक्र करत प्रधानमंत्री हर कहिस कि ए उदाहरण मन से साबित होथे कि पूरा सरकारी मशीनरी टीम के साथ जब काम करथे त कइसन नतीजे मिल सकत हे। उमन कहिन कि तंत्र ल परिणामदायी बनाय जाना चाही। देश के 100 सबले पिछड़ा जिला मन के विकास बर मिशन मोड मं काम करे के अपील करत पीएम हर कहिन कि एखर खातिर तमाम पैमाना ल ठीक करे के लक्ष्य तय करे जाय। स्वच्छता अभियान के जिक्र करत पीएम मोदी हर कहिस कि ये आम लोगन के आंदोलन बन गइस अऊ एखर ले प्रशासनिक स्तर म घलोक बदलाव होइस। जीएसटी ल देश के इतिहास मं मील के पत्थर बतात प्रधानमंत्री हर सचिव मन से एक जुलाई ले एला लागू करे बर प्रोएक्टिव भूमिका निभाने बर कहिस। बैठक मं कई विषय मन म सचिव मन के तरफ से प्रेजेंटेशन घलोक देहे गीस। केंद्रीय मंत्री राजनाथ सिंह, अरुण जेटली, सुषमा स्वराज अऊ नितिन गडकरी ह घलोक सचिव मन ल संबोधित करिन।




style="display:block"
data-ad-client="ca-pub-3208634751415787"
data-ad-slot="4115359353"
data-ad-format="link">



style="display:block"
data-ad-format="autorelaxed"
data-ad-client="ca-pub-3208634751415787"
data-ad-slot="1301493753">

Post a Comment

0 Comments