मोर खातिर कोनो विशेष इंतजाम मत करव: योगी






भाषा, लखनउ, 03 जून 2017। उत्तर प्रदेश के मुख्यमंत्री योगी आदित्यनाथ हर अधिकारी मन से कहे हे कि मोर बर राज्य म दौरा के बेरा म कोनो विशेष इंतजाम मत करव। मुख्यमंत्री हर अधिकारी मन ल निर्देश देहे हें कि ‘‘यात्रा म, निरीक्षण अऊ आन कार्यक्रम मन के समय मोर खातिर कोनो विशेष व्यवस्था मत करे करव.. मैं भुंइया म बईठईया मनखे आंव।’’ उमन काल कहिन, ‘‘राज्य के जनता के सम्मान ह मुख्यमंत्री के सम्मान ये।’’ मुख्यमंत्री के हाल के देवरिया दौरा ल लेके अड़बड़ विवाद होय रहिस हे। योगी बीएसएफ के शहीद हेड कांस्टेबल प्रेम सागर के घर गए रहिस हे। मुख्यमंत्री के आए के पहिली घर म विण्डो एसी, सोफा अऊ कालीन बिछाए के खबर आए रहिस हे।
सागर के कुटुंब वाले मन कहिन जइसे मुख्यमंत्री मिलके निकलिस, एसी, सोफा अऊ कालीन हटा लिए गीस। सागर के भाई के हवाले ले खबर आइस, ‘‘अधिकारी मन ह एसी, कालीन अऊ सोफा हटा लीन।’’ वइसे ए बारे मं सरकार डहर ले कोनो आधिकारिक प्रतिक्रिया या टिप्पणी नइ आए हे।
कुशीनगर ले घलोक खबर आए रहिस हे कि प्रशासन हर मुख्यमंत्री के दौरा के पहिली अनुसूचित जाति के मुसहर समुदाय के लोगन मन ल साबुन अऊ शैम्पू बांटे रहिस हे अऊ मुख्यमंत्री ले मिले बर उमन ल नहा धोके आए बर कहे रहिन।




style="display:block"
data-ad-client="ca-pub-3208634751415787"
data-ad-slot="4115359353"
data-ad-format="link">



style="display:block"
data-ad-format="autorelaxed"
data-ad-client="ca-pub-3208634751415787"
data-ad-slot="1301493753">

Post a Comment

0 Comments