शहरी विकास के नवा उदीम कोति बढ़त छत्तीसगढ़

मिशन अमृत के अंतर्गत लक्ष्य प्राप्ति म देश म चौथा स्थान उपर रहिस राज्य

रायपुर 24 जून 2017, मिशन अमृत के अन्तर्गत सरलग दूसर साल घलोक लक्ष्य प्राप्त करे म छत्तीसगढ़ ल राष्ट्रीय पुरस्कार देहे गीस। दिल्ली के विज्ञान भवन म आयोजित कार्यक्रम म केंद्रीय शहरी विकास मंत्री श्री एम वेंकैया नायडू ह ए उपलब्धि बर राज्य सरकार ल प्रोत्साहन राशि 25 करोड़ रूपिया के संग पुरस्कार प्रदान करिस। ये राशि परियोजना मन के क्रियान्वयन बर भारत सरकार कोति ले निरधारित अंशदान राशि ले अकतहा हे। छत्तीसगढ़ ल पाछू साल घलोक 13 करोड़ रूपिया के प्रोत्साहन राशि मिले रहिस हे। आप मन ल बता दन कि मिशन अमृत के अन्तर्गत 09 नगरीय निकाय रायपुर, बिलासपुर, दुर्ग, भिलाई, राजनांदगांव, अम्बिकापुर, जगदलपुर, रायपुर अउ कोरबा सामिल हे। मिशन अमृत के तहत ए निकाय मन म शत-प्रतिशत पेयजल आपूर्ति, शत-प्रतिशत सीवरेज अऊ सेप्टेज मेनेजमेंट के माध्यम ले कव्हरेज अउ उद्यान अउ हरित स्थल मन के विकास करे जात हे। 
छत्तीसगढ़ ह लक्ष्य प्राप्ति म 91.37 प्रतिशत अंक हासिल करिस। अमृत मिशन म सम्मिलित 9 शहर मन के परियोजना मन के संगें-संग हर साल रिफॉर्म के घलोक लक्ष्य भारत सरकार कोति ले निरधारित करे गए हे, जेखर क्रियान्वयन म छत्तीसगढ़ राज्य गुजरात, महाराष्ट्र, राजस्थान , कर्नाटक, अऊ मध्यप्रदेश जइसन बड़े अऊ विकसित राज्य मन ले आगू रहिस। भारत सरकार कोति ले छत्तीसगढ़ प्रदेश के नगरीय निकाय मन म अड़बड़ लउहे गति ले कराए जात विकास कार्य मन उपर प्रदेश सरकार के सराहना करे गीस।

Post a Comment

0 Comments