मुख्यमंत्री ले जापानी कम्पनी के अध्यक्ष करिस सौजन्य मुलाकात






रायपुर, 04 जून 2017। छत्तीसगढ़ के मुख्यमंत्री डॉ. रमन सिंह के जापान प्रवास के समय आज उहां के प्रसिद्ध कम्पनी एमआईआर के अध्यक्ष श्री शिनिचि काटो हर उंखर से सौजन्य मुलाकात करिन। डॉ. सिंह हर ओ मन ल छत्तीसगढ़ मं निवेश के व्यापक संभावना मन के जानकारी दीन अऊ कहिन कि एमआईआर जैइसे प्रतिष्ठित जापानी कम्पनी मन कहूं छत्तीसगढ़ मं उद्योग लगाय बर आही, त ओ मन ल राज्य सरकार कोति ले सबले अच्‍छा अधोसंरचना के व्‍यवस्‍था करे जाही। मुख्यमंत्री हर ओ मन ल छत्तीसगढ़ सरकार के सहज, सरल उद्योग नीति, स्मार्ट सिटी के रूप मं नवा रायपुर के विकास, राज्य मं संचार क्रांति योजना के तहत 45 लाख लोगन ल स्मार्ट फोन देहे के निर्णय अऊ सड़क, रेल अउ हवाई यातायात के बेहतर नेटवर्क के बारे मं विस्तार ले बताइन। डॉ. सिंह हर ये घलोक कहिन कि राज्य मं कोर सेक्टर के अंतर्गत स्टील, सीमेंट, एल्युमिनियम अऊ बिजली के क्षेत्र मं काफी निवेश आकर्शित होय हावे। अब हम नॉनकोर सेक्टर के अतर्गत सूचना प्रौद्योगिकी अऊ इलेक्ट्रॉनिक्स, कृषि उपज अउर वनोपज प्रसंस्करण, आटोमोबाइल आदि नानकोर सेक्टर के उद्योग मन ल विशेष रूप ले प्राथमिकता देवत हन। मुख्यमंत्री से चर्चा के बेरा श्री शिनिचि काटो हर लउहे छत्तीसगढ़ आए के मंशा प्रकट करिन।




style="display:block"
data-ad-client="ca-pub-3208634751415787"
data-ad-slot="4115359353"
data-ad-format="link">



style="display:block"
data-ad-format="autorelaxed"
data-ad-client="ca-pub-3208634751415787"
data-ad-slot="1301493753">

Post a Comment

0 Comments