छत्तीसगढ़ के जन-जीवन म कबीर दर्शन के गहिर प्रभाव: डॉ. रमन सिंह





रायपुर, 08 जून 2017। मुख्यमंत्री डॉ. रमन सिंह ह कहिन हावे कि संत कबीर के जीवन दर्शन के छत्तीसगढ़ के जन-जीवन म गहरा प्रभाव रहे हे। मुख्यमंत्री हर कबीर जयंती के अवसार म जनता ल बधाई देवत हुए अपन शुभकामना संदेश मं ए आशय के विचार व्यक्त करे हें। उमन कहे हें 'संत कबीर हर अपन प्रेरक वाणी अऊ अपन प्रेरक विचार ले मानव समाज ल हमेशा सत्य, अहिंसा अऊ सामाजिक समरसता के मार्ग म चले के प्रेरणा देहे हे। आज लगभग छै सौ साल गुजर जाय के बाद घलव ऊंखर विचार पूरा दुनिया बर प्रासंगिक अऊ प्रेरणादायक बने हे। छत्तीसगढ़ मं दामाखेड़ा अऊ कुदुरमाल न सिरिफ कबीर पंथीं मन के भलुक कबीर दर्शन मं आस्था रखइया लाखों करोड़ों लोगन बर श्रद्धा अऊ भक्ति के प्रमुख केन्द्र हे। संत कबीर के विचार युगों-युगों तक देश अऊ दुनिया ल सही रद्दा म चले के प्रेरणा देवत रहिही।'

Post a Comment

0 Comments