मानसून आए के संकेत म खाद-बीज के उठाव मं आइस तेजी

रायपुर, 16 जून 2017। दक्षिण-पश्चिम मानसून के छत्तीसगढ़ पहुंचे के संकेत मिलतेच प्राथमिक कृषि सहकारी साख समिति मन मं खाद-बीज के उठाव मं तेजी आ गए हे। किसान अल्पकालीन कृषि ऋण के तहत खाद अऊ बीज के उठाव करत हें। कृषि मंत्री श्री बृजमोहन अग्रवाल हर आज इहां बताइन कि प्रदेश के एक हजार 333 प्राथमिक कृषि सहकारी साख समिति मन के माध्यम ले बीते 14 जून तक अंदाजन दू लाख 84 हजार 540 क्विंटल बीज मन के वितरण किसान मन ल करे गए हे। एमां दू लाख 68 हजार 55 क्विंटल धान, एक हजार 93 क्विंटल मक्का, 142 क्विंटल राहेर, 14 हजार 481 क्विंटल सोयाबीन अउ 769 क्विंटल आन फसल मन के बीज सामिल हे। उमन बताइन कि अभी हाल मं समिति मन संग आन निरधारित संस्था मन मं करीबन पांच लाख 26 हजार 881 क्विंटल बीज के भंडारण हे। श्री अग्रवाल हर बताइस कि खरीफ मौसम 2017 मं कई फसल मन के सात लाख 44 हजार 965 क्विंटल बीज के मांग हे।

Post a Comment

0 Comments