घर के छत म जैविक तरीका ले उद्यानिकी फसल मन के सफल खेती

श्रीमती पुष्पा साहू ल मिलीस उद्यान रत्न अवार्ड-2017, कृषि मंत्री श्री अग्रवाल हर दीस बधाई








रायपुर, 07 जून 2017। कृषि मंत्री श्री बृजमोहन अग्रवाल हर घर के छत म जैविक तरीका ले फल-फूल, सब्जी मन के संगें-संग औषधीय अऊ मसालादार फसल मन के सफल खेती करइया रायपुर के गृहिणी श्रीमती पुष्पा साहू ल उद्यानरत्न अवार्ड 2017 मिले म ओ मन ल बधाई अउ शुभकामना दीन। केन्द्रीय कृषि राज्य मंत्री श्री पुरूषोत्तम रूपाला हर पाछू हफ्ता गुजरात के जूनागढ़ कृषि विश्वविद्यालय मं आयोजित राष्ट्रीय संगोष्ठी के समापन समारोह मं श्रीमती साहू ल ये सम्मान दीन। सम्मान स्वर्गीय अमित सिंह मेमोरियल फाउंडेशन नई दिल्ली के तरफ से देहे गीस। श्रीमती पुष्पा साहू हर संगोष्ठी के समय रूफ टॉप ऑरगेनिक फार्मिंग: इनोवेशन एप्रोच फार अर्बन एण्ड पेरी अर्बन एरियाज विसय म प्रेजेन्टेशन घलोक दीन। आप मन ल बता दन कि श्रीमती साहू ल ऊंखर उत्कृष्ट कार्य मन बर भारतीय कृषि अनुसंधान परिषद पूसा नई दिल्ली कोति ले इनोवेटिव फार्मस अवार्ड 2017 से घलव सम्मानित करे गए हे।

Post a Comment

0 Comments