निर्वतमान जनसम्पर्क सचिव श्री मिश्रा ल भावभीनी बिदाई


  • न्यू मीडिया सबसे बड़ी चुनौती: श्री संतोष मिश्रा

रायपुर, 15 जून 2017। जनसम्पर्क विभाग के निर्वतमान सचिव श्री संतोष मिश्रा ल आज विभागीय अधिकारी मन अउ कर्मचारी मन ह भावभीनी बिदाई दीन। एक स्थानीय होटल म आयोजित संक्षिप्त कार्यक्रम म श्री संतोष मिश्रा हर अधिकारी मन अउ कर्मचारी मन ल सम्बोधित करत कहिन कि जनसम्पर्क विभाग के काम सबसे जादा जिम्मेदारी के हावय। मोला खुशी हावय कि सबो अधिकारी मन अउ कर्मचारी मन के सहयोग से ए जिम्मेदारी के निर्वहन मैं कर सकेंव। उमन कहिन कि शासन के जनहित के योजना मन के प्रभावी प्रचार-प्रसार म परम्परागत साधन मन के अलावा न्यू मीडिया के घलोक महत्वपूर्ण भूमिका हो गए हे। न्यू मीडिया एक बहुत बड़े चुनौती रहिस, फेर सब्बो के सहयोग ले पाछू एक साल म राज्य शासन के योजना मन अउ कार्यक्रम मन के सोशल मीडिया म उपस्थिति दर्ज कराण्‍ म काफी सफलता मिलीस। उमन सबो अधिकारी अउ कर्मचारी मन ल एक टीम भावना के संग काम करे बर आभार व्यक्त करिन।
संचालक अउ संयुक्त सचिव जनसम्पर्क श्री राजेश सुकुमार टोप्पो ह कहिन कि श्री संतोष मिश्रा के कार्यकाल म जनसम्पर्क विभाग ह कई अभिनव पहल करिस। उमन कहिन कि पहिली सोशल मीडिया म शासन के गतिविधि मन बहुत कम रहिस। श्री मिश्रा के पहल म सोशल मीडिया बर एक नवा अधोसंरचना स्थापित करे गईस। जेखर फलस्वरूप सोशल मीडिया म जनहित के योजना मन अउ कार्यक्रम मन के बेहतर प्रचार-प्रसार संभव हो सकिस। एखर ले सोशल मीडिया म छत्तीसगढ़ के एक नवा पहिचान स्थापित हो गीस। एखर पहिली संचालक जनसम्पर्क श्री टोप्पो हर निर्वतमान सचिव श्री संतोष मिश्रा के पुष्प गुच्छ देके स्वागत करिन अउ ऊंखर उज्जवल भविष्य बर शुभकामना दीन। श्री टोप्पो ह विभागीय अधिकारी मन अउ कर्मचारी मन के तरफ ले श्री मिश्रा ल स्मृति चिन्ह भेंट करिन।
ए अवसर जनसम्पर्क विभाग के अपर संचालक अउ छत्तीसगढ़ संवाद के अतिरिक्त मुख्य कार्यपालन अधिकारी श्री जे.एल.दरियो, संयुक्त संचालक श्रीमती जमुना सांडिया, श्री संजीव तिवारी, श्री आलोक देव, श्री विपिन किशोर तिग्गा, श्रीमती हर्षा पौराणिक संग जनसम्पर्क अउ छत्तीसगढ़ संवाद के सबो अधिकारी अउ कर्मचारी मन उपस्थित रहिन।

Post a Comment

0 Comments