रथयात्रा: राज्यपाल अऊ मुख्यमंत्री ह करिन पूजा-अर्चना


रायपुर, 25 जून 2017। राज्यपाल श्री बलराम जी दास टंडन अऊ मुख्यमंत्री डॉ. रमन सिंह ह आज इहां गायत्री नगर स्थित जगन्नाथ मंदिर म रथयात्रा के शुभारंभ के अवसर म पूजा-अर्चना करिन। उमन रथयात्रा ले पहिली छेरापहरा के घलोक रस्म अदा करिन। मुख्यमंत्री के धर्मपत्नी श्रीमती वीणा सिंह, विधानसभा अध्यक्ष श्री गौरीशंकर अग्रवाल, कृषि मंत्री श्री बृजमोहन अग्रवाल, पूर्व विधानसभा अध्यक्ष श्री धरम लाल कौशिक, छत्तीसगढ़ राज्य अक्षय ऊर्जा विकास अभिकरण (क्रेडा) के अध्यक्ष श्री पुरन्दर मिश्रा, महापौर श्री प्रमोद दुबे, रायपुर विकास प्राधिकरण के अध्यक्ष श्री संजय श्रीवास्तव अऊ राज्य सहकारी बैंक (अपेक्स बैंक) के अध्यक्ष श्री अशोक बजाज संग बहुत अकन वरिष्ठ जन ए अवसर म उपस्थित रहिन। राज्यपाल अऊ मुख्यमंत्री ह ए अवसर म सबो मनखे मन ल रथयात्रा के बधाई अऊ शुभकामना दीन।


Post a Comment

0 Comments