
महिला कांग्रेस के राष्ट्रीय अध्यक्ष के स्वागत कार्यक्रम बर कांग्रेस भवन म बैठक म महिला कांग्रेस प्रदेश अध्यक्ष फुलो देवी नेताम, प्रदेश उपाध्यक्ष आभा मरकाम, उषा रज्जन श्रीवास्तव, आशा चौहान, सुधा सरोज संग आन वरिष्ठ महिला कांग्रेस पदाधिकारी मौजूद रहिन। बैठक म प्रदेश महासचिव नीना यूसुफ के संग उषा रज्जन श्रीवास्तव, सुधा सरोज अउ आशा चौहान के विवाद हो गए। पहिली तो बहस अउ आरोप प्रत्यारोप दुनों तरफ ले होत रहिस ओखर बाद उंखर बीच मारपीट घलोक होइस। विवाद बढ़त देख के प्रदेश अध्यक्ष फुलो देवी नेताम कार्यालय ले बाहिर चल दीन। उहां मौजूद आन कांग्रेस नेत्री मन बीच बचाव करके ओ मन ल अलग करिन।
एखर बाद नीना यूसुफ कोतवाली थाना पहुंचिन अउ मारपीट के शिकायत दर्ज कराईन। कोतवाली थाना प्रभारी वीरेंद्र चतुर्वेदी ह बताइस कि महिला ह शिकायत म जान से मारे के धमकी देके मारपीट करे के आरोप लगाए हावय। पुलिस ह मामला म धारा 323, 506, 34 के तहत अपराध कायम करे हावय।