मोदी सरकार के तीन साल पूरा होए म पांच दिवसीय प्रदर्शनी के आयोजन

मुख्यमंत्री हर करिस छायाचित्र प्रदर्शनी के शुभारंभ






[responsivevoice_button voice="Hindi Female" buttontext="ये खबर ला सुनव"]

रायपुर 7 जून 2017। मुख्यमंत्री डॉ रमन सिंह हर आज बिहनिया इहां टाउन हॉल मं पांच दिवसीय फोटो प्रदर्शनी के शुभारम्भ करिस। ये प्रदर्शनी प्रधानमंत्री श्री नरेंद्र मोदी के नेतृत्व मं केंद्र सरकार के तीन साल सफलतापूर्वक पूरा होए अऊ चौथे साल मं प्रवेश के खुसी म आयोजित करे गए हे। एकर आयोजन केन्द्रीय सूचना अउ प्रसारण मंत्रालय के विज्ञापन अऊ दृश्य प्रचार निदेशालय कोति ले करे गए हे।
प्रदर्शनी मं आकर्शक फोटू के माध्यम ले केंद्र सरकार के जनकल्याणकारी योजना मन अऊ कार्यक्रम मन ल दर्शाये गए हे। ‘साथ है विश्वास है, हो रहा विकास है’ सीरसक से आयोजित प्रदर्शनी 7 ले 11 जून तक रोजेच बिहनिया 10 बजे ले रात 8 बजे तक आम जनता बर खुले रहीही। ए अवसर म लोक सभा सांसद श्री रमेश बैस अऊ नगर निगम रायपुर के सभापति श्री प्रफुल्ल विश्वकर्मा विशेष अतिथि के रुप मं उपस्थित रहिन।
प्रदर्शनी मं जन-धन योजना, कृषि क्षेत्र के योजना, डायरेक्ट बेनिफिट ट्रांसफर, नोट बंदी, वैश्विक परदा म हिंदुस्तान के बढ़ता नाम, नवा ट्रेन मन के लोकार्पण, कश्मीर के नवा सुरंग, महिला सशक्तिकरण, युवा शक्ति, मोबाइल मेरा बटुआ आदि योजना मन के जानकारी फोटू के माध्यम से प्रदर्शित करे गए हे। दो एल. ई. डी. स्क्रीन म छोटे फिल्म मन के प्रदर्शन करे जात हे। रोज संझा 7 बजे सांस्कृतिक कार्यक्रम प्रस्तुत करे जाही। मुख्यमंत्री हर ए अवसर म कहिस कि राज्य सरकार केन्द्र सरकार के योजना मन ल जन-जन तक पहुंचाए के हर संभव प्रयास करही। छोटे-छोटे योजना मन के लाभ गांव, गरीब अऊ किसान मन ल मिलत हे। प्रधानमंत्री के निर्णय मन से देश आगू बढ़त हे। ए अवसर म क्षेत्रीय प्रदर्शनी अधिकारी श्री शैलेष फाये सहित सूचना अउ प्रसारण मंत्रालय के रायपुर स्थित कार्यालय के अधिकारी अऊ कर्मचारी उपस्थित रहिन।








Post a Comment

0 Comments