मंत्रालयीन अधिकारी-कर्मचारी मन ल छत्तीसगढ़ी भाखा के तीन दिवसीय प्रशिक्षण

रायपुर, 26 जून 2017। नया रायपुर स्थित मंत्रालय (महानदी भवन) के कई ठन विभाग मन के अधिकारी मन अऊ कर्मचारी मन ल छत्तीसगढ़ी भाखा के व्यावहारिक प्रशिक्षण दे जाही। ऊंखर खातिर तीन दिवसीय प्रशिक्षण कार्यक्रम काल 27 जून ले शुरू होवत हे। छत्तीसगढ़ राजभाषा आयोग के अध्यक्ष डॉ. विनय कुमार पाठक ओ मन ल छत्तीसगढी़ भाखा म सरकारी कामकाज करे बर प्रशिक्षण देंहीं। डॉ. पाठक कर्मचारी मन ल लोक व्यवहार म छत्तीसगढ़ी भाखा के उपयोग करे के बारे म बताहीं अऊ छत्तीसगढ़ी म कामकाज करे बर कर्मचारी मन के कई ठन शंका मन के समाधान प्रश्नोत्तर के माध्यम ले करहीं। आप मन जानतेच होहू कि एखर पहिली घलोक डॉ. पाठक इहां मंत्रालय संग राज्य के कई ठन जिला मन म कलेक्टोरेट के कर्मचारी मन अऊ अधिकारी मन ल छत्तीसगढ़ी भाखा के व्यावहारिक प्रशिक्षण देहे हें।



Post a Comment

0 Comments