स्मार्ट शहर मन के दुसर सूची म नया रायपुर अउ बिलासपुर घलोक संघरिस

मुख्यमंत्री ह प्रधानमंत्री अउ केन्द्रीय शहरी विकास मंत्री के आभार प्रकट करिन
रायपुर, 23 जून 2017, छत्तीसगढ़ के मुख्यमंत्री डॉ. रमन सिंह ह केन्द्र सरकार ल स्मार्ट शहर मन के राष्ट्रीय परियोजना म नया रायपुर अउ बिलासपुर ल संघेरे खातिर खुसी व्यक्त करिन हावंय। उमन एखर खातिर प्रधानमंत्री श्री नरेन्द्र मोदी अउ केन्द्रीय शहरी विकास मंत्री श्री एम. वेंकैया नायडू के आभार प्रकट करे हावंय। मुख्यमंत्री ह श्री नायडू ले आज नई दिल्ली म घोषित होए, देश के प्रस्तावित 30 स्मार्ट शहर मन के दुसर सूची म छत्तीसगढ़ के नया रायपुर अउ बिलासपुर ल सामिल करे के उल्लेख करत कहिन कि अब ए दुनों शहर मन के अउ जल्‍दी अउ बनेच जादा योजनाबद्ध तरीका ले विकास होही। डॉ. रमन सिंह ह दुनों शहर मन ल स्मार्ट शहर के रूप म विकसित करे बर व्यापक जनसहयोग के घलोक आव्हान करिन। 

Post a Comment

0 Comments