राज्य के कृषि वैज्ञानिक मन ह विकसित करिन चाउंर के नवा किसिम ‘छत्तीसगढ़ जिंक चावल-1

केन्द्रीय कृषि मंत्री श्री राधामोहन सिंह ह राष्ट्रीय स्तर म करिस जारी  
रायपुर, 29 जुलाई 2017। छत्तीसगढ़ के कृषि वैज्ञानिक मन कोति ले विकसित कई ठन फसल मन के 10 नवा किस्म मन ल राष्ट्रीय स्तर म जारी करे गीस। केन्द्रीय कृषि मंत्री श्री राधामोहन सिंह ह हाल ही म नई दिल्ली म आयोजित भारतीय कृषि अनुसंधान परिषद के स्थापना दिवस म इहां के कृषि वैज्ञानिक मन कोति ले विकसित चाउंर के नवा किसिम ‘छत्तीसगढ़ जिंक चावल-1’ ल जारी  करिस हे। एखर ले पहिली पाछू बछर म राज्य के कृषि वैज्ञानिक मन कोति ले विकसित चांउर, मटर, अरसी, कोदो अऊ कुटकी के नौ नवा किसिम राष्ट्रीय स्तर म जारी हो गए हे। मुख्यमंत्री डॉ. रमन सिंह अउ कृषि मंत्री बृजमोहन अग्रवाल ह ए बड़े उपलब्धि बर राज्य के कृषि वैज्ञानिक मन ल बधाई देहे हें। 
केन्द्रीय कृषि मंत्री श्री राधामोहन सिंह ह कार्यक्रम म खेती-किसानी ले संबंधित कई ठन महत्वपूर्ण तकनीक अऊ परियोजना मन ल घलोक लांच करिस। ये मां फसल मन बर 12 बायोफोर्टीफाइड किस्म घलोक सामिल हे। इंदिरा गांधी कृषि विश्वविद्यालय के अधिकारी मन ह बताइन कि एखर ले पहिली छत्तीसगढ़ के कृषि वैज्ञानिक मन कोति ले विकसित कई ठन फसल मन के नौ किसम मन ल राष्ट्रीय स्तर म जारी करे जा चुके हे। एमां इंदिरा मटर-1, छत्तीसगढ़ जिंक चावल-1 (सीजीजेडआर-1) (सीजीजेडआर-1)(आईईटी सं. 23824, आर-आरएचजेड-2) (आर-1033-968-2-1), छत्तीसगढ़ बादशाह भोग चावल चयन-1, तरूण भोग चयन-1, दुबराज चयन-1, छत्तीसगढ़ कुटकी-2 (बीएल-4), छत्तीसगढ़ अलसी-1(आरएलसी-133), विष्णुभोग चयन-1, छत्तीसगढ़ कोदो-2 सामिल हे। 

Post a Comment

0 Comments